ப்ரோ கபடி: தெலுங்கு டைட்டன்ஸ் அணியை தோற்கடித்தது பாட்னா அணி…!

by Castro MuruganPosted on July 30, 2017

ஹைதராபாத்: புரோ கபடி லீக்கில் நடப்பு சாம்பியன் பாட்னா பைரேட்ஸ் வெற்றியோடு அடியெடுத்து வைத்துள்ளது. தெலுங்கு டைட்டன்ஸ் அணியை 35-29 என்ற கணக்கில் இன்று நடைபெற்ற போட்டியில் தோற்கடித்தது பாட்னா அணி.

கேப்டனும், ரைடருமான பர்தீப் நர்வால் 15 ரைடிங் பாயிண்டுகளை பெற்றுக்கொடுத்து பாட்னா அணி வெற்றிக்கு பக்கபலமாக இருந்தார். மற்ரொரு ரைடர் மவ்னோ கோயட், 8 புள்ளிகளை பெற்றுக்கொடுத்து அணிக்கு உதவினார்.

தெலுங்கு அணியை பொறுத்தளவில் ராகுல் சவுத்ரி 7 புள்ளிகளை பெற்றுக்கொடுத்தார். நிலேஷ் சலுன்கே 6 புள்ளிகளை பெற்றுக்கொடுத்தார். நடப்பு சாம்பியனான நாங்கள் வெற்றியோடு தொடரை தொடங்கியுள்ளோம் என பாட்னா அணி ட்விட்டரில் டிவிட் செய்துள்ளது.

ஹைதராபாத்தில் இன்று நடைபெறும் இரு ஆட்டங்களில் யு மும்பை அணியும் ஹரியானா ஷ்டீலேர்ஸ் அணியும் மோதுகின்றன.மற்றொரு ஆட்டத்தில் தெலுங்கு டைட்டன்ஸ் அணியும் பெங்களூர் புல்ஸ் அணியும் மோதுகின்றன..