சென்னையில் தொடங்கியது “பீஸ்ட்” மூன்றாம் கட்ட படப்பிடிப்பு.!

விஜய் நடிக்கும் பீஸ்ட் மூன்றாம் கட்டப்படப்பிடிப்பு இன்று சென்னையில் தொடங்கியுள்ளது.

இயக்குனர் நெல்சன் திலீப் குமார் இயக்கத்தில் நடிகர் விஜய் நடித்து வரும் திரைப்படம் பீஸ்ட். இந்த திரைப்படத்தில் விஜய்க்கு ஜோடியாக நடிகை பூஜா ஹெக்டே நடிக்கிறார். படத்தின் முதல் கட்ட படப்பிடிப்பு ஜார்ஜியாவில் முடிக்கப்பட்டு இரண்டாம் கட்ட படப்பிடிப்பு கடந்த சில நாட்களுக்கு முன்பு சென்னையில் தொடங்கப்பட்டு முடிவடைந்து.

இதனை தொடர்ந்து மூன்றாம் கட்டப்படப்பிடிப்பு இன்று சென்னையில் தொடங்கியுள்ளது. பீஸ்ட் படத்தின் மூன்றாம் கட்ட படப்பிடிப்புக்காக மும்பை சென்ற பூஜா ஹெக்டே நேற்று மீண்டும் சென்னை வந்தடைந்தார். இன்று முதல் படப்பிடிப்பை தொடங்கி அதிரடி சண்டைக்காட்சிக்காக மட்டும் ரஷ்யாவில் படமாக்க படக்குழுவினர் திட்டமிட்டுள்ளதாக கூறப்படுகிறது. விறு விறுவென படத்தின் படப்பிடிப்பை முடித்துவிட்டு படத்தை அடுத்த ஆண்டு பொங்கல் தினத்தில் வெளியீட திட்டமிட்டுள்ளதாக கூறப்படுகிறது.

இந்த திரைப்படத்தில் நடிகர் யோகி பாபு, அபர்ணா தாஸ், விடிவி கணேஷ் உள்ளிட்ட பலர் முக்கியமான கதாபாத்திரத்தில் நடிக்கிறார்கள். சன்பிக்ச்சர்ஸ் நிறுவனம் தயாரிக்கும் இந்த படத்திற்கு இசையமைப்பாளர் அனிருத் இசையமைத்து வருகிறார்.