பீஸ்ட் திரைப்படத்தின் லேட்டஸ்ட் அப்டேட்.!

by பால முருகன்Posted on August 12, 2021

பீஸ்ட் திரைப்படத்தின் முதல் பாடலை சிவகார்த்திகேயன் எழுதியுள்ளதாக தகவல்கள் வெளியாகியுள்ளது.

இயக்குனர் நெல்சன் திலீப் குமார் இயக்கத்தில் நடிகர் விஜய் நடித்து வரும் திரைப்படம் பீஸ்ட். இந்த திரைப்படத்தில் விஜய்க்கு ஜோடியாக நடிகை பூஜா ஹெக்டே நடிக்கிறார். சன்பிக்சர்ஸ் நிறுவனம் தயாரிக்கும் இந்த படத்திற்கு இசையமைப்பாளர் அனிருத் இசையமைத்து வருகிறார்.

இந்த படம் பர்ஸ்ட் லுக் போஸ்டர் மற்றும் இரண்டாம் லுக் போஸ்டர் விஜய் பிறந்த நாளை முன்னிட்டு வெளியானது. படத்தின் மூன்றாம் கட்ட படப்பிடிப்பு சென்னையில், விறு விறுப்பாக நடைபெற்று வருகிறது.

இதனையடுத்து தற்போது கிடைத்த தகவலின் படி, பீஸ்ட் படத்தின் முதல் பாடலை நடிகர் சிவகார்த்திகேயன் எழுதியுள்ளதாக தகவல்கள் வெளியாகியுள்ளது. இதனால் பாடலின் மீதுள்ள எதிர்பார்ப்பு அதிகமாகியுள்ளது. விரைவில் இதற்கான அதிகாரப்பூர்வ அறிவிப்பு வெளியாகும் என்று எதிர்பார்க்கப்படுகிறது.