வரலாற்றில் முதல்முறையாக அரையிறுதியில் தோல்வியடைந்த ஆஸ்திரேலியா!இறுதி போட்டிக்கு முன்னேறிய இங்கிலாந்து!

இன்றைய இரண்டாவது அரையிறுதி போட்டியில் இங்கிலாந்து அணியும் ,ஆஸ்திரேலிய அணியும் பர்மிங்காம்மில் உள்ள எட்க்பாஸ்டன் மைதானத்தில் மோதியது . டாஸ் வென்ற ஆஸ்திரேலிய அணி பேட்டிங் தேர்வு செய்தது.

ஆஸ்திரேலிய அணியின் தொடக்க வீரர்களாக டேவிட் வார்னர் , ஆரோன் பிஞ்ச் களமிறங்கினர். ஆட்டம் தொடக்கத்திலே கேப்டன் ஆரோன் பிஞ்ச் ஒரு ரன் கூட எடுக்காமல் விக்கெட்டை இழந்தார்.பின்னர் டேவிட் வார்னர் 11 பந்தில் 9 ரன்கள் எடுத்து வெளியேறினர்.

பின்னர் களமிங்கிய ஸ்டீவன் ஸ்மித் உடன் இணைந்த பீட்டர் ஹேண்ட்ஸ்காம்ப் 4 ரன்னில் வெளியேறினர். ஆஸ்திரேலிய அணி 3 விக்கெட்டை இழந்து 14 ரன்கள் எடுத்த பரிதாப நிலையில் இருந்த போது  அலெக்ஸ் கேரி , ஸ்டீவன் ஸ்மித் உடன் இணைந்து சிறப்பான ஆட்டத்தை வெளிப்படுத்தி இருவரும் வந்தனர்.

இவர்கள் கூட்டணியில் அணியின் எண்ணிக்கை உயர்ந்தது. சிறப்பாக விளையாடி வந்த அலெக்ஸ் கேரி அரைசதம் அடிக்க முடியாமல் 46 ரன்னில் அவுட் ஆனார்.பின்னர் இறங்கிய மார்கஸ் ஸ்டோய்னிஸ் ரன்கள் எடுக்காமல் வெளியேறினர்.

நிதானமாக விளையாடி வந்த ஸ்டீவன் ஸ்மித் 85 ரன்கள் எடுத்து ரன் அவுட் ஆனார். இறுதியாக ஆஸ்திரேலிய அணி 49 ஓவரில் அனைத்து விக்கெட்டையும் இழந்து 223 ரன்கள் அடித்தனர். இங்கிலாந்து அணி பந்து வீச்சில் கிறிஸ் வோக்ஸ் ,ஆதில் ரஷீத் இருவரும் தலா 3 விக்கெட்டையும் ,ஜோஃப்ரா ஆர்ச்சர் 2 விக்கெட்டையும் பறித்தனர்.

224 ரன்கள் இலக்குடன்  இங்கிலாந்து அணியின் தொடக்க வீரர்களாக ஜேசன் ராய் , ஜானி பேர்ஸ்டோவ் இருவரும் களமிறங்கினர்.ஆட்டம் தொடக்கத்திலே இருந்து அதிரடியாக இருவரும்  விளையாடினர்.  சிறப்பாக விளையாடிய ஜேசன் ராய் அரைசதம் நிறைவு செய்தார். இவர்கள் விக்கெட்டை பறிக்கமுடியாமல் ஆஸ்திரேலிய அணி திணறியது.

நிதானமாக விளையாடிய ஜானி பேர்ஸ்டோவ் 34 ரன்னில் வெளியேறினார்.இவர்கள் இருவரின் கூட்டணியில் 124 ரன்கள் குவித்தனர். அடுத்ததாக ஜோ ரூட் களமிறங்கினர்.சிறப்பாக விளையாடி வந்த ஜேசன் ராய் 65 பந்தில் 85 ரன்கள் அடித்து அவுட் ஆனார்.

பின்னர் மோர்கன் உடன் இணைந்த ஜோ ரூட்  இருவரும் அதிரடியாக விளையாடி அணியின் இலக்கை எட்டி பிடித்தனர்.கடைசிவரை ஆட்டமிழக்காமல் ஜோ ரூட் 49 , மோர்கன் 45 ரன்களுடன் களத்தில் நின்றனர்.

இறுதியாக இங்கிலாந்து அணி 32.1 ஓவரில் 226 ரன்கள் எடுத்து 2 விக்கெட்டை இழந்து 8 விக்கெட் வித்தியாசத்தில்  வெற்றி பெற்றது.மேலும் ஆஸ்திரேலிய அணி இதுவரை விளையாடிய அரையிறுதி போட்டியில் ஒரு முறை கூட தோல்வியடைய வில்லை முதல் முறையாக அரையிறுதி போட்டியில் ஆஸ்திரேலிய அணி தோல்வியை தழுவி உள்ளது.