இதை சீனாவிடம் கேளுங்கள் ? என்னிடம் கேட்க வேண்டாம் – டொனால்ட் டிரம்ப்

அமெரிக்க ஜனாதிபதி டொனால்ட் டிரம்ப் நேற்று ( திங்கட்கிழமை ) செய்தியாளர்களை வெள்ளை மாளிகையில் சந்தித்தார் .அப்பொழுது சிபிஎஸ் நியூஸின் செய்தியாளர் வீஜியா ஜியாங், ட்ரம்ப்பிடம்  ஏன் நீங்கள் ஒவ்வொரு முறையும் அமெரிக்கா மற்ற நாடுகளைவிட சிறப்பாக செயல்படுகிறது வலியுறுகிறீர்கள் “அது ஏன் அவ்வளவு  முக்கியமானதா ?” என்றார் .

 இது உங்களுக்கு உலகளாவிய போட்டியாக உள்ளதா என்று கேட்டார் .மேலும் தினம் தினம் பல அமெரிக்கர்கள் தங்கள் உயிரை இழந்து வருகின்றனர் அதை நாங்கள் நேரடியாக  பார்க்கிறோம் என்று கேட்டார் .

இதனால் வழக்கம் போல்  கோபப்பட்டு  டிரம்ப் பதிலளித்தார்: “சரி, அவர்கள் உலகில் எல்லா இடங்களிலும் தங்கள் உயிரை இழந்து கொண்டிருக்கிறார்கள். இதை நீங்கள் சீனாவிடம் கேட்க வேண்டிய கேள்வி ,என்னிடம் கேட்க வேண்டாம். சீனாவிடம் அந்த கேள்வியைக் கேளுங்கள். அந்த கேள்வியை நீங்கள் சீனாவிடம் கேட்கும்போது, நீங்கள் மிகவும் அசாதாரணமான பதிலைப் பெறலாம். ”