பிறந்தநாள் ஸ்பெஷலாக டைட்டில் போஸ்ட்ருடன் வெளியான ‘அருள்நிதி 14’.

அருள்நிதி நடிக்கவிருக்கும் 14வது படத்திற்கு டைரி என்று பெயரிடப்பட்டுள்ள டைட்டில் போஸ்ட்ர் வெளியாகியுள்ளது.

தமிழ் சினிமாவில் வம்சம் என்ற படத்தின் மூலம் அறிமுகமான நடிகர் அருள்நிதி. அதனையடுத்து மௌனகுரு, தகராறு, ஆறாவது சினம் உள்ளிட்ட ஒரு சில படங்களில் நடித்து பிரபலமான இவர் தற்போது சீனு ராமசாமி இயக்கத்தில் ஒரு படத்திலும், களத்தில் சந்திப்போம் என்ற படத்திலும் நடித்து வருகிறார். இந்த நிலையில் அருள்நிதியின் பிறந்தநாளை முன்னிட்டு, அவர் நடிக்கவிருக்கும் 14வது படத்தின் டைட்டில் வெளியாகியுள்ளது.

இந்த படத்தை இயக்குநர் அஜய் ஞானமுத்து, அறிவழகன் ஆகியோரிடம் உதவி இயக்குநராக பணிபுரிந்தவரும், கோப்ரா பட வசனகர்த்தாவுமான இன்னாசி பாண்டியன் இயக்குகிறார். ரான் எதான் யோஹனன் இசையமைக்கவுள்ள இந்த படத்தை பைவ் ஸ்டார் கதிரேசன் தயாரிக்கிறார். ஒரு கிரைம் இன்வெஸ்டிகேஷன் திரில்லர் நிறைந்த படமாக உருவாகும் இந்த படத்திற்கு ‘டைரி என்று’ பெயரிடப்பட்டுள்ளது. தற்போது இந்த படத்தின் டைட்டில் போஸ்ட்ர் சமூக வலைத்தளங்களில் மிகவும் வைரலாகி வருவதோடு, பலர் தங்களது பிறந்தநாள் வாழ்த்துக்களையும் தெரிவித்து வருகின்றனர்.

#diary Thank you so much for the wonderful response!! Unexpected❤️????@arulnithitamil @5starcreationss @Pavithrah_10 @AravinndSingh @RonYohann @gnanakaravel #Sprajasethupathi #pradipdinesh pic.twitter.com/EbH5mXXGSO

— Innasi Pandiyan (@innasi_dir) July 21, 2020