லாக்டவுனில் நிச்சயதார்த்தத்தை முடித்த அஜித் பட நடிகை.!

அஜித்தின் வீரம், வேதாளம் ஆகிய படங்களில் நடித்த வித்யூலேகா லாக்டவுனில் தனது நிச்சயதார்த்தத்தை சஞ்சய் என்பவருடன் நடத்தி முடித்துள்ளார்.

ஜீவா மற்றும் சமந்தா நடிப்பில் வெளியான நீ தானே என் பொன்வசந்தம் படத்தின் மூலம் தமிழ் சினிமாவில் அறிமுகமானவர் வித்யூலேகா ராமன். இவர் நடிகர் மோகன் ராமன் அவர்களின் மகள் என்பது குறிப்பிடத்தக்கது. அதனையடுத்து வீரம், வேதாளம், மாஸ்,ஜில்லா, பவர் பாண்டி உள்ளிட்ட படங்களிலும், பல தெலுங்கு படங்களிலும் நடித்துள்ளார்.

இந்த நிலையில் இவருக்கு கடந்த 26ஆம் தேதி பெற்றோர்கள் மற்றும் நெருங்கிய உறவினர்கள் முன்னிலையில் சஞ்சய் என்பவருடன் நிச்சயதார்த்தம் நடைபெற்றுள்ளது. மேலும் விரைவில் திருமணம் தேதி அறிவிக்கப்படும் என்று கூறப்படுகிறது. இதனை வித்யூலேகா தனது இன்ஸ்டாகிராம் பக்கத்தில் புகைப்படத்துடன் பகிர்ந்துள்ளார். அதனையடுத்து தற்போது பல நடிகர் மற்றும் நடிகைகள் இவருக்கு வாழ்த்துக்களை தெரிவித்து வருகின்றனர்.