வலிமையாக தீபாவளி பந்தயத்தில் களமிறங்கும் தல அஜித்.?

அஜித் நடித்து வரும் வலிமை திரைப்படத்தை தீபாவளி அன்று வெளியீட படக்குழு திட்டமிட்டுள்ளதாக தகவல்கள் வெளியாகியுள்ளது. 

தமிழ் சினிமாவின் முன்னணி நடிகராக வலம் வரும் நடிகர் அஜித்குமார் தற்போது இயக்குனர் ஹெச்.வினோத் இயக்கத்தில் வலிமை படத்தில் நடித்து வருகிறார். இந்த படத்தில் அஜித்திற்கு ஜோடியாக நடிகை ஹீமா குரேஷி நடித்துள்ளார். கார்த்திகேயா, சுமித்ரா, புகழ், யோகி பாபு, போன்ற பல பிரபலங்கள் முக்கியமான கதாபாத்திரத்தில் நடித்துள்ளனர்.தயாரிப்பாளர் போனி கபூர் தயாரிப்பில்  இசையமைப்பாளர் யுவன் சங்கர் ராஜா இசையமைத்து வருகிறார்.

படத்திற்கான முக்கிய சண்டைக்காட்சி ஒன்றை படமாக்கபடவுள்ள நிலையில், படக்குழு ரஷ்யா செல்லவுள்ளனர். வரும் 19-ஆம் தேதி முதல் படப்பிடிப்பு மீண்டும்  தொடங்கவுள்ளது. அங்கு சில நாட்கள் படத்தை படமாக்கி மாத இறுதிக்குள் படத்தை வெளியீட திட்டமிட்டுள்ளதாக கூறப்படுகிறது.

இந்த நிலையில், தற்போது கிடைத்த தகவலின் படி, வலிமை திரைப்படத்தை வரும் நவம்பர் மாதம் 4- ஆம் தேதி தீபாவளி அன்று வெளியீட படக்குழு திட்டமிட்டுள்ளதாக தகவல்கள் வெளியாகியுள்ளது. ஏற்கனவே தீபாவளி அன்று நடிகர் ரஜினி நடிப்பில் உருவாகி வரும் அண்ணாத்த படம் வெளியாகவுள்ளது என்பது குறிப்பிடத்தக்கது.