பெற்றோரைக் கொலை செய்த பயங்கரவாதிகளை துப்பாக்கியால் சுட்டுக்கொன்ற சிறுமி!

ஆப்கானிஸ்தானில் 14-16 வயது மதிக்கதக்க சிறுமி ஒருவர், தனது பெற்றோர்களை கொலை செய்த இரண்டு தலிபான் பயங்கரவாதிகளை சுட்டுக் கொன்றார்.

ஆப்கானிஸ்தான் நாட்டில் உள்ள குமர் குல் என்ற சிறுமி, தனது பெற்றோர்களுடன் கிரிவா கிராமத்தில் வசித்து வந்தார். அவளின் தந்தை, அரசாங்க ஆதரவாளராக பணியாற்றி வந்ததாக கூறப்படுகிறது.

இதனையடுத்து, கடந்த வாரம் கிரிவா கிராமத்தில் உள்ள அந்த சிறுமியின் வீட்டிற்குள் தாலிபன் தீவிரவாதிகள் நுழைந்து, அவரின் பெற்றோர்களை சுட்டுக்கொன்றனர். தனது பெற்றோர்கள் கொல்லப்பட்டதை தொடர்ந்து அந்த சிறுமி, தனது குடும்பத்தின் ஏ.கே .47 துப்பாக்கியை எடுத்து அந்த தீவிரவாதிகளை சுட்டார்.

இந்த தாக்குதலில் இரண்டு தீவிரவாதிகள் கொல்லப்பட்டதாகவும், அதில் பல தீவிரவாதிகள் காயமடைந்ததாக கோர் மாகாண அதிகாரிகள் தெரிவித்தனர். அந்த சிறுமி,  14 முதல் 16 வயதுக்குட்பட்டவர் எனவ அதிகாரிகள் தெரிவித்துள்ளனர்.

இந்த சம்பவத்திற்கு பின், பயங்கரவாதிகள் குமர் குலின் வீட்டைத் தாக்க வந்தனர், ஆனால் உள்ளூர் மக்கள் மற்றும் அரசு ஆயுத குழுவால் அவர்கள் வெளியேற்றப்பட்டனர். இதன்காரணமாக, அந்த சிறுமியும், அவரின் தம்பியையும் ஒரு பாதுகாப்பான இடத்திற்கு அதிகாரிகள் அழைத்து சென்றனர்.

மேலும், தீவிரவாதிகளை துப்பாக்கியால் சுட்டுக்கொன்ற அந்த சிறுமியின் புகைப்படங்கள், சமூக வலைத்தளங்களில் வைரலானது. மேலும் அந்த சிறுமியின் செயல், மக்களிடையே பாராட்டை பெற்று வருகிறார்.