வலிமை திரைப்படத்திலிருந்து விலகிய நடிகர்கள்..!!

• வலிமை திரைப்படத்திலிருந்து சீனியர் நடிகர்கள் சிலர் கொரோனா பரவல் அச்சத்தால் விலகியுள்ளதாக தகவல்கள் வெளியாகியுள்ளது. 

இயக்குனர் ஹெச் வினோத் இயக்கத்தில் நடிகர் அஜித்குமார் நடித்து வரும் திரைப்படம் வலிமை.வலிமை திரைப்படத்திற்கான பர்ஸ்ட் லுக் போஸ்டர் மே 1 ஆம் தேதி வெளியாகும் என்று படத்தின் தயாரிப்பாளர் போனிகபூர் அறிவித்திருந்த நிலையில், தற்போது கொரோனா வைரஸ் தாக்கம் மீண்டும் அதிகரித்து வருவதால் வலிமை ஃபர்ஸ்ட் லுக் போஸ்டரை ஒத்திவைப்பதாக கடந்த மாதம் அறிவித்திருந்தார்.

இந்த வலிமை படத்திற்கான இறுதிக்கட்ட படப்பிடிப்பு வெளிநாட்டில் 10 நாட்கள் மட்டும் மீதமுள்ள நிலையில், விரைவில் படத்திற்கான இறுதிக்கட்ட படப்பிடிப்பு தொடங்கும் என்று எதிர்பார்க்கப்படுகிறது.

இந்த நிலையில், வலிமை படத்தின் படப்பிடிப்பு கடந்த ஆண்டு நடைபெற்று வந்தபோது, படப்பிடிப்புக்கு சென்ற சீனியர் நடிகர்கள், தற்போது கொரொனா இரண்டாம் அலையின் அச்சம் காரணமாக படப்பிடிப்புக்கு வர மறுத்ததாகத் இயக்குனர் ஹெச் வினோத் தெரிவித்துள்ளார். இதனால் படத்தில் நடிப்பதற்காக சீனியர் நடிகர்களுக்கு பதிலாக புதிய நடிகர்களை நடிக்க வைக்கும் பணிகளில் ஈடுபட்டு வருகிறார். விரைவில் படத்திற்கான ஃபர்ஸ்ட் லுக் போஸ்டர் வெளியாகும் தேதி அறிவிக்கப்படும் என்று எதிர்பார்க்கப்படுகிறது.