ஜீவாவின் அடுத்த படத்தில் இணையும் ஆக்ஷன் கிங்.! பர்ஸ்ட் லுக் போஸ்ட்ர் இதோ.!

மேதாவி படத்தின் பர்ஸ்ட் லுக் போஸ்ட்ர் வெளியாகியுள்ளது. இந்த படத்தை எழுத்தாளர், நடிகர் மற்றும் இயக்குநரான பா. விஜய் இயக்குகிறார்.

தமிழ் சினிமாவின் முன்னணி நடிகர்களில் ஒருவர் ஜீவா. இவர் தற்போது நடித்து வெளியான திரைப்படம் ஜிப்ஸி.இந்த படத்தை ராஜூ முருகன் எழுதி இயக்கியுள்ளார். ஜிப்ஸி படத்தில் நடிகர் ஜீவாவிற்கு ஜோடியாக நடாஷா சிங் நடித்திருந்தார்.இந்த படம் பல சர்ச்சைகளுக்கும் பின்னர் திரையரங்குகளில் வெளியாகி விமர்சன ரீதியாக ரசிகர்கள் மத்தியில் பெரும் வரவேற்பைப் பெற்றிருந்தது. தற்போது இவர் மேதாவி, களத்தில் சந்திப்போம் மற்றும் பாலிவுட் படமான 83 படத்திலும் கமிட்டாகியுள்ளார். 

இந்த நிலையில் தற்போது மேதாவி படத்தின் பர்ஸ்ட் லுக் போஸ்ட்ர் வெளியாகியுள்ளது. இந்த படத்தை எழுத்தாளர், நடிகர் மற்றும் இயக்குநரான பா. விஜய் இயக்குகிறார். யுவன் ஷங்கர் ராஜா இசையமைக்கும் இந்த படத்தில் ஜீவா, ஆக்ஷன் கிங் அர்ஜுன், ராஷி கன்னா ஆகியோர் நடிக்கவுள்ளனர். 

மக்கள் அரசன் பிக்சர்ஸ் வழங்கும் இந்த படத்தை எஸ். ராஜா தயாரிக்கிறார். இன்று பிறந்தநாளை கொண்டாடும் இவருக்கு மேதாவி டீம் இப்படத்தின் பர்ஸ்ட் லுக் போஸ்ட்ரை வெளியிட்டுள்ளது. இந்த படத்தின் படப்பிடிப்பு ஊரடங்கு முடிவுக்கு வந்தது தொடங்கப்படும் என்று கூறப்படுகிறது. மேலும் எஸ். ராஜா அவர்கள் தனது பிறந்தநாளை முன்னிட்டு பெப்சி தொழிலாளர்களுக்கு 5kg  அரிசி வீதம் 25000 மூட்டைகளை ஆர். கே. செல்வமணியிடம் வழங்கி உதவியுள்ளார்.