அனைத்து அன்பிற்கும் ஒரு பெரிய நன்றி – மாஸ்டர் வில்லன் ட்வீட்..!

மாஸ்டர் படத்தில் தாஸ் கதாபாத்திரம் குறித்து நடிகர் அர்ஜுன் தாஸ் தனது ட்வீட்டர் பக்கத்தில் ஒரு ட்வீட் ஒன்றை செய்துள்ளார். 

இயக்குனர் லோகேஷ் கனகராஜ் இயக்கத்தில் தளபதி விஜய் நடிப்பில் பொங்கல் விருந்தாக வெளியான மாஸ்டர் திரைப்படம் ரசிகர்கள் மத்தியில் நல்ல வரவேற்பை பெற்று வசூலில் சாதனை படைத்து வருகிறது.மேலும் இந்த படத்தினை வீட்டிலிருந்தே பார்க்கும் வகையில் நேற்று முதல் ஓடிடி தளமான அமேசான் பிரேமில் வெளியாகியுள்ளது .

வழக்கமாக திரையரங்குகளில் வெளியான படத்தினை இரண்டு மாதங்களுக்கு பின் தான் ஓடிடியில் வெளியிடுவார்கள். ஆனால் மாஸ்டர் திரைப்படத்தை திரையரங்குகளில் வெளியாகிய 2 வாரங்களிலேயே அமேசான் பிரேமில் வெளியானது. தற்போது வரை மாஸ்டர் திரைப்படம் உலகளவில் 220 கோடிக்கு மேல் வசூல் செய்துள்ளது.

இந்த நிலையில் தற்போது இந்த படத்தில் வில்லனாக நடித்த நடிகர் அர்ஜுன் தாஸ் தனது ட்வீட்டர் பக்கத்தில் “மாஸ்டர் படத்தில் தாஸ் கதாபாத்திரம் எப்போதும் எனக்கு மிகவும் சிறப்பு வாய்ந்ததாக இருக்கும். அனைத்து அன்பிற்கும் பார்வையாளர்களுக்கு ஒரு பெரிய நன்றி”. என்று பதிவிட்டுள்ளார்.

#Master #Das will always be very special to me.A big thank you to the audience for all the love.#Forevergrateful pic.twitter.com/hW8HCIHm9N

— Arjun Das (@iam_arjundas) January 31, 2021