‘5 தசாப்தங்கள், 45 வருடங்கள் ‘-சூப்பர் ஸ்டாரை குறித்து புகழ்ந்த மோகன்லால்.!

சூப்பர் ஸ்டார் ரஜினிகாந்தின் 45வருட திரை வாழ்க்கையை முன்னிட்டு மோகன்லால் உள்ளிட்ட பல பிரபலங்கள் இணைந்து காமன் டிபியை வெளியிட்டுள்ளனர்.

இந்திய சினிமாவின் உச்ச நட்சத்திரங்களில் ஒருவராக வலம் வந்து கொண்டிருப்பவர் சூப்பர் ஸ்டார் ரஜினிகாந்த். 45 ஆண்டுகளுக்கு முன்பு ஆகஸ்ட் 15ம் தேதி பாலசந்தரின் ‘அபூர்வ ராகங்கள்’ என்ற படத்தின் முதல் நடிகராக அறிமுகமாகி தற்போது சூப்பர் ஸ்டார் என்று அழைக்கப்படும் உச்சத்திற்கு வளர்ந்துள்ளார். இந்த நிலையில் ரஜினிகாந்த் திரையுலகில் 45 வருடங்கள் வெற்றிகரமாக முடித்த நிலையில், அதனை ரசிகர்கள் சமூக வலைத்தளங்களில் கொண்டாடி வருகின்றனர்.

அதில் முதற்கட்டமாக மோகன்லால், மம்மூட்டி, சிவகார்த்திகேயன் உள்ளிட்ட பல முன்னணி நடிகர்கள் இணைந்து #48YearsOfRajinismCDP என்ற ஹேஷ்டேக்குடன் Common DPயை வெளியிட்டனர். இந்த நிலையில் மோகன்லால் common dp – ஐ வெளியிட்டு கூறியதாவது, 5 தசாப்தங்கள், 45 வருடங்கள் இந்திய சினிமாவின் ஒரு அடையாளம். நமது அன்பான சூப்பர் ஸ்டார் ரஜினிகாந்த்தின் 45வருட திரை வாழ்க்கையை முன்னிட்டு காமன் டிபியை வெளியிடுவதில் மகிழ்ச்சி. ரஜினிகாந்த் சார் இந்திய சினிமாவிற்கு அளித்த பங்கு மிகப்பெரியது. வாழ்த்துக்கள் சார் என்று பகிர்ந்துள்ளார்.