2004 வெடிகுண்டு தாக்குதல்:19 பேருக்கு ஆயுள் சிறை ,19 பேருக்குத் தூக்கு தண்டனை- வங்கதேச நீதிமன்றம் தீர்ப்பு

வங்கதேசத்தில் கடந்த 2004ஆம் ஆண்டு நடந்த வெடிகுண்டு தாக்குதல் குறித்த வழக்கில் முன்னால் பிரதமர் கலிதா ஜியாவின் மகன் தாரிக் ரஹ்மான் உள்ளிட்ட 19 பேருக்கு ஆயுள் சிறையும், மற்ற 19 பேருக்கு மரண தண்டனையும் விதித்து டாக்கா நீதிமன்றம் இன்று தீர்ப்பளித்துள்ளது.

குண்டுவெடிப்புக்கு மூளையாக இருந்து செயல்பட்டது வங்கதேசத்தில் உள்ள ஹர்கதுல் ஜிஹாத் அல் இஸ்லாமி தீவிரவாத அமைப்பாகும்.இந்த குண்டுவெடிப்பில் முக்கிய இலக்காக இருந்தது தற்போது பிரதமர் ஷேக் ஹசினா.ஆனால், அதிர்ஷ்டவசமாக குண்டுவெடிப்பி்ல படுகாயத்துடன் உயிர்பிழைத்தார். ஆனால், கட்சியின் முன்னாள் தலைவர் ஜில்லூர் ரஹ்மான், அவரின் மனைவி இவி ரஹ்மான் ஆகியோர் கொல்லப்பட்டனர்.
இந்நிலையில், கடந்த 14 ஆண்டுகளாக டாக்காவில் உள்ள விரைவு நீதிமன்றத்தில் விசாரணை நடந்துவந்து எல்லா வாதங்களும் முடிந்த நிலையில்  இன்று தீர்ப்பளிக்கப்பட்டது. இதில் குற்றம்சாட்டப்பட்ட 49 குற்றவாளிகளும் நீதிமன்றத்தில் இன்று ஆஜராகினர். இதில் முன்னாள் பிரதமர் கலிதா ஜியாவின் மகன் தாரீக் ரஹ்மான் உள்பட 19 பேருக்கு வாழ்நாள் சிறை தண்டனையும், 19 பேருக்குத் தூக்கு தண்டனையும் விதித்து, நீதிபதி ஷாகித் நூருதீன் தீர்ப்பளித்தார்.இதில் முன்னாள் பிரதமர் கலிதா ஜியாவின் மகன் தாரிக் ரஹ்மான் தற்போது லண்டனில் தலைமறைவாக வாழ்ந்து வருகிறார். அந்நாட்டு அரசிடம் தனக்கு புகலிடமும் கேட்டுள்ளார். இதனால், தாரிக் ரஹ்மான் வசிக்கும் இடம் குறித்த தெரிவிக்க இங்கிலாந்து அதிகாரிகள் மறுத்துவிட்டனர்.இதற்கிடையே ஊழல் வழக்கில் 5 ஆண்டுகள் சிறை தண்டனைப் பெற்று முன்னாள் பிரதமர் கலிதா ஜியா சிறையில் இருந்து வருகிறார் என்பது குறிப்பிடத்தக்கது.இந்தத்தீர்ப்பு குறித்து வங்கதேச உள்துறை அமைச்சர் அசாதுஜமான் கான் கமல் கூறுகையில், வெளிநாட்டில் பதுங்கி இருக்கும் குற்றவாளிகளைக் கண்டுபிடித்து இங்குக் கொண்டுவர முயற்சி எடுக்கப்பட்டு வருகிறது எனத் தெரிவித்தார்.
DINASUVADU