யூடியூப் வீடியோவிற்காக 2 கோடி ரூபாய் மதிப்புள்ள கனவு காரை 1000 அடி பள்ளத்தில் தூக்கி எறிந்த இளைஞர்.!

• ரஷ்யாவில் ஒருவர் தன் மெர்சிடிஸ் எஸ்.யூ.வி AMG G63 மாடல் காரை ஹெலிகாப்டர் வைத்து தூக்கிக் கீழே போட்டு நொறுக்கும் வீடியோ தற்போது வைரலாகி வருகிறது.
• உள்ளூர் செய்திகளில், இகோர் மொராஸ் தனது நண்பர் ஒருவருடன் போட்ட ஒப்பந்தத்திற்காகவே காரை நொறுக்கி வீடியோவாக வெளியிட்டுள்ளார் எனக் கூறப்படுகிறது.

ரஷ்யாவைச் சேர்ந்த யூடியூபர் இகோர் மொராஸ் என்பவர் ஆசையாக வாங்கிய மெர்சிடிஸ் எஸ்.யூ.வி AMG G63 மாடல் காரை அவர் ஓட்டும் போது தொடர்ந்து ஏற்பட்ட தொழில்நுட்ப கோளாறுகளால் அதிரமடைந்துள்ளார். அதனால் அந்த காரை நொறுக்க முடிவு செய்த அவர், காரை ஹெலிகாப்டரில் கட்டித் தூக்கி சுமார் 1000 அடி உயரத்திலிருந்து கீழே போட்டு நொறுக்கியுள்ளார். அந்த காரை நொறுக்குவதை 7 நிமிட வீடியோவாக எடுத்த இகோர் அந்த வீடியோவில் சுமார் ரூ.2 கோடி மதிப்புள்ள கனவு காரை உடைப்பதாகத் தெரிவித்திருந்தார்.

மேலும், அதை அவர் வீடியோவாகவும் எடுத்து யூடியூபில் பதிவிட்டார். ஆனால் உள்ளூர் செய்திகளில், கூறுகையில், இகோர் மொராஸ் அவரது நண்பர் ஒருவருடன் போட்ட பந்தைய ஒப்பந்தத்திற்காகவே காரை நொறுக்கி வீடியோவாக வெளியிட்டுள்ளார் எனக் கூறப்படுகிறது. அந்த வீடியோவை சுமார் 7 லட்சம் பார்வையாளர்களைப் பெற்று ரஷியாவில் வைரலாகி வருகிறது. இதுபோன்று விவகாரத்தை ரஷ்ய போலீஸார் வழக்காக எடுத்துக்கொண்டு விசாரித்து வருகின்றனர்.