2 தடுப்பூசி போட்டும் கொரோனாவிடம் சிக்கிய பிக் பாஸ் ஷெரின்.!

கொரோனா தொற்றால் பாதிக்கப்பட்டுள்ளார் நடிகை ஷெரின்.

துள்ளுவதோ இளமை என்ற படத்தின் மூலம் அறிமுகமானவர் நடிகை ஷெரின். தெலுங்கு, கன்னடம், மலையாளம் ஆகிய மொழிகளிலும் சில படங்களில்  நடித்துள்ளார். இதனை தொடர்ந்து நடிகர் கமல்ஹாசன் தொகுத்து வழங்கிய பிக்பாஸ் நிகழ்ச்சியின் 3-வது தமிழ் சீசனில் கலந்துக் கொண்டு ரசிகர்களுக்கு மத்தியில் மிகவும் பிரபலமானார்.

இந்த நிலையில் நடிகை ஷெரின் தனக்கு கொரோனா தொற்று உறுதி செய்யப்பட்டுள்ளது என இன்ஸ்டாகிராம் பக்கத்தில் தெரிவித்துள்ளார். இது குறித்து அவர் கூறிருப்பது ” எனக்கு கொரோனா தொற்று உறுதி செய்யப்பட்டுள்ளது. கடந்த 3 – 4 நாட்களில் என்னைச் சந்தித்தவர்கள் விரைவாகத் தங்களைத் தனிமைப்படுத்திக் கொண்டு பரிசோதனை செய்துகொள்ளுமாறு கேட்டுக்கொள்கிறேன்” என்று தெரிவித்துள்ளார்.

கொரோனாவால் பாதிக்கப்பட்டுள்ள நடிகை ஷெரின் ஏற்கனவே இரண்டு டோஸ் கொரோனா தடுப்பூசி போட்டுக்கொண்டார் என்பது குறிப்பிடத்தக்கது.