உலக அளவில் கொரோனா பாதிப்பால் 10.60 லட்சம் பேர் பலி!

முதலில் சீனாவில் பரவிய கொரோனா வைரஸ், தொடர்ந்து பல நாடுகளில் தனது ஆதிக்கத்தை செலுத்தி வருகிறது. இந்த வைரஸ் பாதிப்பை கட்டுப்படுத்த பல்வேறு நடவடிக்கைகளை மேற்கொள்ளப்பட்டு வந்தாலும், இந்த பாதிப்பும், பலி எண்ணிக்கையும் நாளுக்கு நாள் அதிகரித்த வண்ணம் தான் உள்ளது.

இந்நிலையில், இந்த வைரஸ் பாதிப்பில் உலக அளவில் முதல் மூன்று இடத்தில், அமெரிக்கா, இந்தியா மற்றும் பிரேசில் ஆகிய நாடுகள் உள்ளது. தற்போதைய நிலவரப்படி, இந்த வைரஸ் பாதிப்பால் உலக அளவில், 36,394,156 பேர் பாதிக்கப்பட்டுள்ள நிலையில், 1,060,462 பேர் உயிரிழந்துள்ளனர். மேலும், 27,412,315 குணமடைந்து வீடு திரும்பியுள்ளனர்.