ஹவாய் தீவில் எரிமலை நெருப்பு குழம்பு:87 வீடுகள் அழிந்தன! மக்கள் கடும் அவதி..!

by Dinasuvadu deskPosted on June 2, 2018

அமெரிக்காவின் ஹவாய் தீவில் எரிமலை கக்கிய நெருப்பு குழம்புகளால் 4 வாரத்தில் 87 வீடுகள் முற்றாக அழிந்துள்ளன. அமெரிக்காவின் ஹவாய் தீவில் உள்ள Kilauea எரிமலை, 4 வாரங்களாக சீற்றத்துடன் தீக்குழம்புகளை கக்கி வருகிறது.

எரிமலையிலிருந்து பீய்ச்சியடித்த தீக்குழம்புகள் ஆறாக பெருகி ஓடும் காட்சிகளும் வெளியாகின. Kilauea எரிமலை கக்கிய குழம்புகள் 5.5 சதுர மைல்கள் பரப்பளவிற்கு ஆக்கிரமித்துள்ளது.

இந்நிலையில், அருகில் இருந்த குடியிருப்பு பகுதியில் 87 வீடுகள் எரிமலை குழம்புகளால் முற்றாக அழிந்துள்ளன. 4 வாரங்களாக சீற்றம் தணியாமல் உள்ள எரிமலையால் குடியிருப்பு பகுதிகளில் இருந்தவர்கள் வீடுகளை காலிசெய்து ஏற்கெனவே வெளியேறிவிட்டது குறிப்பிடத்தக்கது.