ரஷியாவில் கொரோனாவால் 76 பேர் பலி..பாதிப்பு 10 ஆயிரத்தை தாண்டியது.!

உலக முழுவதும் சுமார் 170க்கும் மேற்பட்ட நாடுகளில் பரவி இருக்கும் கொரோனா வைரஸ், ரஷியாவில் வேகமாக பரவி வருகிறது. இதனால் அங்கும் பீதியை கிளப்பியுள்ளது. ரஷியாவில் இதுவரை கொரோனா வைரசால் பாதிக்கப்பட்டவர்களின் எண்ணிக்கை 10,131 ஆக உள்ளது. ஒரே நாளில் 1,459 பேருக்கு கொரோனா தொற்று இருப்பது உறுதி செய்யப்பட்டுள்ளது. இது ரஷ்யாவில் ஒரே நாளில் உறுதி செய்யப்பட்ட அதிகபட்ச எண்ணிக்கையாகும். 

மேலும் கொரோனவால் உயிரிழந்தவர்களின் எண்ணிக்கை 63 ஆக இருந்த நிலையில், நேற்று மட்டும் புதிதாக 13 பேர் கொரோனாவுக்கு பலியாகி உள்ளனர். இதனால் கொரோனா பலி எண்ணிக்கை 76 ஆக உயர்ந்துள்ளது. ரஷ்யாவில் கொரோனா வைரஸ் வேகமாக பரவி வருவதால் பல்வேறு தடுப்பு நடவடிக்கைகளை அதிபர் விளாடிமிர் புடின் மேற்கொண்டு வருகிறார். இதனால் நாட்டிலுள்ள அனைத்து மாகாணங்களிலும் ஊரடங்கு உத்தரவு அமல்படுத்தப்பட்டுள்ளது.