பிரசவ குழம்பு செய்வது எப்படி ?

பிரசவம் என்பது  பெண்களுக்கு மறு ஜென்மம் என்றே கூறலாம். பிரசவத்திற்க்கு பின்பு குழந்தைகளுக்கு தாய்ப்பால் கிடைக்கவும், வாயுத்தொல்லை நீங்கவும்  இந்த குழம்பு உதவியாகயிருக்கும்.இது முற்றிலும் ஒரு மூலிகை குழம்பு ஆகும் இதில் தக்காளி, வெங்காயம் ,ஆகியவை சேர்க்கப்படவில்லை .இதனை மற்றவர்களும் சாப்பிடலாம் .

தேவையான பொருட்கள் :

வர மிளகாய் -3

விரலி மஞ்சள் -2 துண்டு

பெருங்காயம் -ஒரு சிறிய துண்டு

மிளகு -21

புளி -ஒரு எலுமிச்சை அளவு

சீரகம் -1 தேக்கரண்டி

உப்பு -தேவையான அளவு

பூண்டு -1

கறிவேப்பில்லை -சிறிதளவு

வடகம் (தாளிப்பதற்கு)-சிறிதளவு

அரிசித்திப்பிலி -1 தேக்கரண்டி

பரங்கி சட்டை- சிறிதளவு

கண்டந்திப்பிலி -2 தேக்கரண்டி

நல்லெண்ணை-சிறிதளவு

செய்முறை :

ஒரு பாத்திரத்தை அடுப்பில் வைத்து இவை அனைத்தையும் வறுத்து கொள்ளவும்.  பின்பு இதை அரைத்து தூளாக்கி கொள்ளவும் .பின்பு ஒரு பாத்திரத்தை அடுப்பில் வைத்து அதில் நல்லெண்ணையை ஊற்றி அதில் வடகம் ,கருவேப்பிலை,பூண்டு,உப்பு போட்டு தாளிக்க வேண்டும்.அதன் பின்பு அரைத்த தூளை 4 தேக்கரண்டி சேர்த்து அதில் சிறிதளவு புளி சேர்த்து கரைத்து வைத்து கொள்ளவும். அதையும் ஊற்றி கொதிக்க வைத்து நன்கு வற்றியவுடன்  இறக்க வேண்டும்.இப்போது உடம்புக்கு ஏற்ற மூலிகை குழம்பு தயார் .