வலிமை படத்தின் முதல் பாடலான “நாங்க வேற மாறி ” பாடல் தற்போது வெளியிடப்பட்டுள்ளது.
நேர்கொண்ட பார்வை திரைப்படத்தின் வெற்றியை தொடர்ந்து இயக்குனர் ஹெச்.வினோத் அடுத்ததாக நடிகர் அஜித்குமார் வைத்து வலிமை திரைப்படத்தை இயக்கி வருகிறார். படத்தை தயாரிப்பாளர் போனிகபூர் தயாரிக்கிறார். இந்த படத்திற்கான இறுதி கட்ட படப்பிடிப்பு ரஷ்யாவில் படமாக்கப்படவுள்ளது. படத்திலிருந்து வெளியான மோஷன் போஸ்டர் ரசிகர்களுக்கு மத்தியில் பலத்த வரவேற்பை பெற்று நல்ல சாதனைகளை படைத்தது வருகிறது.
அடுத்ததாக அஜித் ரசிகர்களுக்கு உற்சாகம் அளிக்கும் வகையில், வலிமை படத்தின் முதல் பாடலான “நாங்க வேற மாறி ” என்ற பாடல் இன்று இரவு 10.45 மணிக்கு வெளியாகும் என்று அறிவிக்கப்பட்டது. அதன்படி தற்போது இந்த பாடல் வெளியாகியுள்ளது.
படத்திற்கு இசையமைப்பாளர் யுவன் ஷங்கர் ராஜா இசையமைத்துள்ளார்.தல அஜித் + யுவன் கம்போ என்பதால் இந்த பாடலின் மீது எதிர்பார்ப்பு அதிகமாக இருந்தது. அதன்படி, பாடலை பார்த்த ரசிகர்கள் உற்சாகமாக கொண்டாடி வருகிறார்கள்.
இந்த திரைப்படத்தில் அஜித்திற்கு ஜோடியாக நடிகை ஹூமா குரேஷி நடித்துள்ளார். மேலும், கார்த்திகேயா, புகழ், அச்சியுத் குமார், யோகி பாபு, சுமித்ரா, ஆகியோர் முக்கியமான கதாபாத்திரத்தில் நடித்துள்ளனர்.
