புதிய AI அம்சங்கள்… இந்தியாவில் அறிமுகமானது Samsung Galaxy Book 4!

Samsung Galaxy Book 4 [image source: Samsung Newsroom]

Samsung Galaxy Book 4: சாம்சங் நிறுவனம் தனது கேலக்ஸி புக் 4 என்ற அசத்தலான லேப்டாப்பை இந்தியாவில் அறிமுகம் செய்தது. இது கடந்த மாதம் அறிமுகப்படுத்தப்பட்ட சாம்சங் கேலக்ஸி புக் 4 ப்ரோ, கேலக்ஸி புக் 4 360 மற்றும் கேலக்ஸி புக் 4 ப்ரோ 360 ஆகிய லேப்டாப்பின் வரிசையில் தற்போது சாம்சங் கேலக்ஸி புக் 4 அறிமுகமானது.

இருப்பினும், இந்த புதிய மாடல் லேப்டாப் அதற்கு முந்தைய தலைமுறைகளை போல் இல்லாமல் உருவாகியுள்ளது. அதாவது, இந்த புதிய லேப்டாப்பில் இன்டெல் கோர் அல்ட்ரா செயலிகள் இல்லை. ஆனால், புகைப்பட ரீமாஸ்டரிங் மற்றும் வீடியோ எடிட்டிங் போன்ற பணிகளை மேம்படுத்துவதை நோக்கமாகக் கொண்ட புதிய AI மூலம் இயங்கும் அம்சங்களை இந்த Samsung Galaxy Book 4 லேப்டாப் கொண்டுள்ளது.

Samsung Galaxy Book 4 அம்சங்கள்:

• கேலக்ஸி புக் 4 ஆனது 15.6-இன்ச் முழு-எச்டி (1,920 x 1,080 பிக்சல்கள்) LED ஆண்டி-க்ளேர் டிஸ்ப்ளே கொண்டுள்ளது.
• இது Intel Core i7 ப்ராசஸர் 150U CPU, 16GB வரை LPDDR4x RAM மற்றும் 512GB NVMe SSD சேமிப்பகத்துடன் இணைந்து 1TB வரை அதிகரித்து கொள்ளலாம்.
• கூடுதலாக, இது விண்டோஸ் 11 ஹோம் முன்பே நிறுவப்பட்டுள்ளது. லேப்டாப்பில் AI-இயங்கும் போட்டோ ரீமாஸ்டர் கருவி பொருத்தப்பட்டுள்ளது.
• இந்த லேப்டாப்பில் கேலக்ஸி வீடியோ எடிட்டர் உள்ளது.
• Galaxy Book 4 ஆனது 54Wh பேட்டரி மற்றும் அதன் USB Type-C போர்ட் மூலம் 45W சார்ஜிங் செய்யும் அம்சம் உள்ளது.
• Wi-Fi 6 மற்றும் புளூடூத் 5.2, கைரேகை ரீடர் ஆகியவை கொண்டுள்ளது.
• வெப்கேம் தரத்தை மேம்படுத்த, பயனர்கள் தங்கள் கேலக்ஸி ஸ்மார்ட்போன்களை Samsung Galaxy Book 4 உடன் இணைக்கலாம்.
• இந்த அம்சம் உள்ளமைக்கப்பட்ட 720p கேமராவை விட Samsung Galaxy ஸ்மார்ட்போனிலிருந்து கேமரா சென்சார் பயன்படுத்துகிறது.
• மேலும், Galaxy Book 4-ல் ஒரு HDMI போர்ட், இரண்டு USB Type-C போர்ட்கள் மற்றும் இரண்டு USB 3.2 போர்ட்கள், மைக்ரோSD கார்டு ரீடர், ஆடியோ ஜாக் மற்றும் RJ45 (LAN) ஸ்லாட் ஆகியவை அடங்கும்.

Samsung Galaxy Book 4 விலை:

இந்த புதிய மாடல் லேப்டாப் Samsung India இணையதளத்தில் காட்சிப்படுத்தப்பட்டுள்ளது. இந்த Galaxy Book 4 ஆனது இந்தியாவில் கிரே மற்றும் சில்வர் ஆகிய இரண்டு நிற விருப்பங்கள் மற்றும் வெவ்வேறு CPU மற்றும் RAM உள்ளிட்ட வகையில் அறிமுகம் செய்யப்பட்டுள்ளது. அதன்படி, Intel Core i5 CPU 8GB RAM கொண்ட  Samsung Galaxy Book 4 லேப்டாப்பின் விலை ரூ.70,990இல் தொடங்குகிறது.

அதேபோல் 16 ஜிபி ரேம் மற்றும் அதே ப்ராசஸர் கொண்ட மாடலின் விலை ரூ.75,990 என நிர்ணயம் செய்யப்பட்டுள்ளது. இதுபோன்று, Galaxy Book 4-இன் Intel Core i7  மற்றும் 16GB RAM கொண்ட லேப்டாப்பின் விலை ரூ.85,990 ஆகவும் நிர்ணயம் செய்யப்பட்டுள்ளது.