இனிமே எந்த பெயர் வேணாலும் வைக்கலாம்! இன்ஸ்டாவில் வரும் அந்த அசத்தல் அப்டேட்?

சென்னை :  இன்ஸ்டாகிராம் அடுத்த காலகட்டத்திற்குள் பல வசதிகளை கொண்டு வந்து இப்போது இருப்பதை விட பெரிய அளவில் வளர்ந்து விடும் என்கிற அளவுக்கு மெட்டா நிறுவனமானது அடிக்கடி பல அப்டேட்டுகளை தொடர்ச்சியாக கொண்டு வந்து பயனர்களை கவர்ந்து வருகிறது. இப்படியான அப்டேட்டுகளை கொண்டுவருவதன் மூலம் இன்ஸ்டாகிராம் மீது மக்களுக்கு இருக்கும் ஆர்வமும் நாளுக்கு நாள் எகிறி கொண்டே செல்கிறது.

அந்த வகையில், இன்னுமே மக்களுடைய எதிர்பார்ப்பை அதிகப்படுத்தி இன்ஸ்டாகிராம் உபயோகம் செய்யாதவர்களையும் ஆப்பிற்குள் கொண்டு வர வேண்டும் என்பதற்காக ஒரு அசத்தலான அப்டேட்டை கொண்டு வருவதற்கு மெட்டா நிறுவனம் இன்ஸ்டாகிராமில் கொண்டு வர திட்டமிட்டுள்ளதாக புதிய தகவல் ஒன்று வெளிவந்துள்ளது. அது என்னென்ன அப்டேட் என்பதை பற்றி பார்ப்போம்.

பெயரை மாற்றிக்கொள்ளுதல்  

முதல் அப்டேட் என்னவென்றால், நம்மளுக்கு பிடித்தவர்கள் உபயோகம் செய்யும் (Username) அவர்களுக்கு விருப்பபடி வைத்திருப்பார்கள். அவர்களுக்கு நாம் ஒரு செல்ல பெயர் வைத்து அவர்களிடம் சேட்டிங் செய்தால் நன்றாக இருக்கும் என பலரும் யோசித்திருப்பார்கள். அப்படியான அப்டேட்டை கொண்டு வருவதற்காக தான் இப்போது மெட்டா நிறுவனம் தீவிரமாக இறங்கி வேலை செய்து வருவதாக தெரிகிறது.

எனவே, இன்ஸ்டாகிராமில் நம்மளுடைய பின்தொடர்போருடைய  Username-க்கு பதிலாக ‘செல்லப்பெயர்’ வைக்கும் அம்சம் விரைவில் அறிமுகமாக உள்ளது என்கிற தகவல் தற்போது வெளி வந்த வண்ணம் உள்ளது. இந்த அப்டேட் வந்த பிறகு பயனர்கள் எத்தனை முறை வேண்டுமானாலும் ஒருவரின் பெயரை மாற்றி பதிவு (Save)செய்து கொள்ளலாம்.இதனால் ஒருவரின் Username-ல் எந்த மாற்றமும் ஏற்படாது.

இந்த அப்டேட் எப்போது செயல்பாட்டிற்கு வரும் என்பது பற்றிய தகவல் இன்னும் வெளியாகவில்லை. ஆனால், விரைவில் வந்துவிடும் என தெரிகிறது. இருப்பினும், இந்த தகவலை பார்த்த பலரும் இந்த அப்டேட் எப்போது வரும் என கேட்டுக்கொண்டு வருகிறார்கள்.