இந்தியாவில் அறிமுகமாகிறது Lava Yuva 3 Pro.! எப்போது தெரியுமா.?

LavaYuva3Pro [Image source : Lava]

இந்திய ஸ்மார்ட்போன் தயாரிப்பாளரான லாவா (Lava), கடந்த பிப்ரவரி மாதம் மீடியாடெக் ஹீலியோ ஜி37 பிராசஸர் மற்றும் 5,000mAh உடன் லாவா யுவா 2 ப்ரோ (Lava Yuva 2 Pro) ஸ்மார்ட்போனை வெளியிட்டது. இதைத்தொடர்ந்து, தற்போது இதே யுவா சீரிஸில் லாவா யுவா 3 ப்ரோ (Lava Yuva 3 Pro) ஸ்மார்ட்போனை இந்தியாவில் அறிமுகம் செய்யவுள்ளது.

இதன் அறிமுகத்தை உறுதி செய்து அதன் எக்ஸ் பக்கத்தில் வெளியிட்டுள்ள டீசரில், லாவா யுவா 3 ப்ரோ ஆனது டிசம்பர் 14ம் தேதி வெளியாகும் என்று தெரிவித்துள்ளது. அந்த டீசரில் போனின் பேனலின் இடதுபுறம் மேல்பக்கத்தில் எல்இடி பிளாஷுடன் செவ்வக வடிவில் டூயல் ரியர் கேமரா அமைப்பு உள்ளது தெரிகிறது.

இன்பினிக்ஸ்-ன் புதிய பட்ஜெட் லேப்டாப்.? விரைவில் இந்தியாவில் அறிமுகம்.!

இதற்கிடையில் அறிமுகத்திற்கு முன்னதாக ஸ்மார்ட்போனின் அம்சங்கள் மற்றும் விலை போன்றவை சமூக ஊடகங்களில் கசிந்துள்ளன. அந்த கசிவுகளின் படி, லாவா யுவா 3 ப்ரோவில் 90 ஹெர்ட்ஸ் ரெஃப்ரெஷ் ரேட் கொண்ட 6.5 பஞ்ச் ஹோல் எச்டி+ டிஸ்ப்ளே இடம்பெறும் என எதிர்பார்க்கப்படுகிறது.

மாலி ஜி57 எம்பி1 ஜிபியு (Mali G57 MP1) உடன் யூனிசோக்கின் டி616 (UNISOC T616) பிராஸசர் பொருத்தப்படலாம். இது ஆண்ட்ராய்டு 13 மூலம் இயக்கப்படுகிறது. கேமராவைப் பார்க்கையில் 50 எம்பி ஏஐ டூயல் கேமராவும், 8 எம்பி செல்ஃபி கேமராவும் பொருத்தப்படலாம்.  யுஎஸ்பி டைப்-சி போர்ட்டுடன் 18 வாட்ஸ்  வயர்டு சார்ஜிங் வசதி கொண்ட 5,000mAh பேட்டரி இருக்கலாம்.

8 ஜிபி ரேம் மற்றும் 128 ஜிபி  இன்டெர்னல் ஸ்டோரேஜுடன் வரலாம். கோல்டன், பச்சை மற்றும் ஊதா ஆகிய மூன்று வண்ணங்களில் வெளியாகும் இந்த போன், ரூ.10,999 க்கும் குறைவான விலையில் அறிமுகம் செய்யப்படலாம். லாவா யுவா 3 ப்ரோ ஆனது ஒரு 4ஜி ஸ்மார்ட்போன் என்பது குறிப்பிடத்தக்கது.