iQoo 12 Series [image source: Smartprix]
ஐ-க்யூ (iQOO) நிறுவனம், ஐ-க்யூ 12 சீரிஸ் ஸ்மார்ட்போன்களைத் தயாரித்து விரைவில் இந்தியாவில் வெளியிடத் தயாராகி வருகிறது. அதன்படி, இந்த சீரிஸ் நவம்பர் 7 ஆம் தேதி அதிகாரப்பூர்வமாக சீனாவில் அறிவிக்கப்படும் என்று தகவல் வெளியாகியுள்ளது. ஆனால், அறிமுக தேதியானது இன்னும் அதிகாரப்பூர்வமாக உறுதிப்படுத்தப்படவில்லை.
இந்த சீரிஸில் ஐ-க்யூ 12 மற்றும் ஐ-க்யூ 12 ப்ரோ என இரண்டு மாடல்கள் இருக்கலாம். இதற்கு முன்னதாக கடந்த ஜனவரி 13ம் தேதி ஐ-க்யூ 11 ஸ்மார்ட்போனை இந்தியாவில் விற்பனைக்கு அறிவித்தது. இப்போது ஒரு வருடத்திற்குள் அடுத்த சீரிஸை வெளியிடத் தயாராகி வருகிறது.
டிஸ்ப்ளே
ஐ-க்யூ 11 போனில் இருப்பது போல ஐ-க்யூ 12 போனிலும் 2K (1440 x 3200) ரெசல்யூஷன் கொண்ட அமோலெட் டிஸ்பிளே பயன்படுத்தப்படலாம். ஐ-க்யூ 12 ப்ரோ போனில் சாம்சங் இ7 அமோலெட் டிஸ்ப்ளே பொறுத்தப்படலாம்.
இந்த இரண்டு போனினின் டிஸ்பிளேவும் 144 ஹெர்ட்ஸ் ரெஃப்ரெஷ் ரேட்டைக் கொண்டிருக்கலாம். டிஸ்பிளேவின் அளவு குறித்த தகவல் வெளியாகவில்லை. இருந்தாலும் ஐ-க்யூ 11-ஐ அடிப்படையாக வைத்து ஐ-க்யூ 12-ஐ உருவாக்கினால் 6.78 இன்ச் (17.22 செ.மீ) அளவுள்ள டிஸ்பிளேவைக் கொண்டிருக்கலாம்.
பிராசஸர்
ஐ-க்யூ 12 மற்றும் 12 ப்ரோ ஆகிய இரண்டு ஸ்மார்ட்போனிலும் அக்டோபர் 25ம் தேதி சந்தையில் அறிமுகமாகவுள்ள குவால்காம் ஸ்னாப்டிராகன் 8 ஜென் 3 சிப்செட் பொருத்தப்படலாம். இந்த ஸ்மார்ட்போன் வெளியானால் ஸ்னாப்டிராகன் 8 ஜென் 3 சிப்புடன் அறிமுகப்படுத்தப்படும் இந்தியாவின் முதல் ஸ்மார்ட்போன் இது ஆகும்.
இதே போல ரியல்மீ ஜிடி 5 ப்ரோ, சியோமி 14 ஆகிய ஸ்மார்ட்போனிலும் ஸ்னாப்டிராகன் 8 ஜென் 3 சிப் பொருத்தப்படும் என்று கூறப்படுகிறது. இதில் ஆண்ட்ராய்டு 14 ஓஎஸ் அடிப்படையிலான ஆரிஜின் ஓஎஸ் 4.0 மூலம் இயங்கலாம். ஐ-க்யூ 11 போனில் ஸ்னாப்டிராகன் 8 ஜென் 2 சிப்செட் உள்ளது.
கேமரா
ஐ-க்யூ 12-ன் பின்புறம் எல்இடி ஃபிளாஷுடன் கூடிய 50 எம்பி மெயின் கேமரா, 50 எம்பி அல்ட்ராவைட் கேமரா மற்றும் ஆப்டிகல் இமேஜ் ஸ்டெபிலைசேஷன் அம்சம் மற்றும் 3x டெலிஃபோட்டோ ஜூம் கொண்ட 64 எம்பி கேமரா என டிரிபில் ரியர் கேமரா அமைப்புடன் வரலாம்.
முன்புறம் செல்ஃபிக்காக 16 எம்பி கேமரா பொறுத்தப்படலாம். ஐ-க்யூ 12 ப்ரோவின் கேமரா அம்சங்கள் வெளியாகவில்லை. இதில் பனோரமா, ஸ்லோ மோஷன், டைம் லேப்ஸ், ப்ரோ, சூப்பர்மூன், அல்ட்ரா எச்டி, லாங்-எக்ஸ்போஷர் மோட், டூயல்-வியூ வீடியோ போன்ற கேமரா அம்சங்கள் வரலாம்.
பேட்டரி
ஐ-க்யூ 12-ன் ஸ்மார்ட்போனை அதிக நேரம் பயன்படுத்துவதற்கு 4,880 mAh திறன் கொண்ட பேட்டரியும், ஐ-க்யூ 12 ப்ரோவில் 4,980 mAh திறன் கொண்ட பேட்டரியும் பொறுத்தப்படலாம். இதில் ஐ-க்யூ 12 ஆனது 100 வாட்ஸ் ஃபாஸ்ட் சார்ஜிங் வசதியையும், ஐ-க்யூ 12 ப்ரோ ஆனது 120 வாட்ஸ் ஃபாஸ்ட் சார்ஜிங் மற்றும் 50 வாட்ஸ் வயர்லெஸ் சார்ஜிங் வசதியையும் கொண்டுள்ளதாகக் கூறப்படுகிறது.
ஸ்டோரேஜ் மற்றும் விலை
பிளாக், ரெட் மற்றும் வைட் ஆகிய நிறங்களில் அறிமுகமாகவுள்ள இந்த ஸ்மார்ட்போன்கள் 16 ஜிபி வரையிலான ரேம் மற்றும் 512 டிபி வரையிலான இன்டெர்னல் ஸ்டோரேஜுடன் அறிமுகமாகலாம். இந்த ஸ்டோரேஜை மெமரி கார்டு மூலம் 1 டிபி வரை உயர்த்திக் கொள்ள முடியும். விலையைப் பொறுத்தவரையில் ஐ-க்யூ 11 ஆனது இந்தியாவில் ரூ.54,999 என்ற விலையில் விற்பனையாகிவருவதால், ஐ-க்யூ 12 ஆனது ரூ.69,000 என்ற விலையில் அறிமுகமாகலாம்.
சென்னை : இந்த ஆண்டு தீபாவளி பண்டிகையை முன்னிட்டு பெரிய நடிகர்களுடைய படங்கள் வெளியாகவில்லை என்றாலும், தீபாவளியைத் தரமாகவும் குடும்பத்துடனும்…
பஞ்சாப் : ஆஸ்திரேலியா அணியின் கிரிக்கெட் ஜாம்பவான் கிளன் மேக்ஸ்வெல் நடந்து முடிந்த 2017 ஐபிஎல் தொடரில் பஞ்சாப் அணிக்கு…
சென்னை : நாளை தீபாவளி பண்டிகையை முன்னிட்டு என்ன படம் பார்க்கலாம் என்று தேடிக்கொண்டு இருப்பவர்களுக்கு ஒரு விருந்தாக ரப்பர்…
சென்னை : இன்று முத்துராமலிங்க தேவரின் 117-வது ஜெயந்தியை முன்னிட்டு, அரசியல் தலைவர்கள் பலரும் பசும்பொன்னில் உள்ள முத்துராமலிங்க தேவர்…
சென்னை : மிகவும் எதிர்பார்க்கப்பட்டநயன்தாரா - விக்னேஷ் சிவன் தம்பதியரின் திருமண ஆவணப்படமான ஆவணப்படமான "நயன்தாரா - பியோண்ட் தி…
அயோத்தி : தீபாவளியை முன்னிட்டு பாலிவுட் நடிகர் அக்ஷய் குமார் செய்த காரியம் அனைவரின் கவனத்தையும் ஈர்த்துள்ளது. அயோத்தி ராமர்…
