கூகுள் குரோம் பயனர்களே உஷார்! எச்சரித்த மத்திய அரசு! 

டெல்லி : உலகளவில் பெரும்பாலான ஸ்மார்ட் போன் பயன்பாட்டாளர்களின் இணையவழி தேடல் எஞ்சினாக செயல்பட்டு வருகிறது கூகுள் குரோம். இந்த குரோம் செல்போன், கணினி , லேப்டாப் உள்ளிட்ட எலக்ட்ரானிக் சாதனங்கள் வாங்கும் போதே அதில் இடம்பெற்று இருக்கும்

அதிகளவில் அதனை பலர் உபயோகித்து வந்தாலும், அதனை பெரும்பாலானோர் அப்டேட் செய்வதில்லை. இதனை யாரும் கவனிப்பதும் இல்லை. அதில் தான் தற்போது பிரச்சனை ஆரம்பித்துள்ளது. ஆம், மத்திய அரசின் கட்டுப்பாட்டில் உள்ள கணினி எமர்ஜென்சி குழு (CERT-In) அண்மையில் ஒரு எச்சரிக்கை பதிவை இட்டுள்ளது.

அதவது, கூகுள் குரோமின் பழைய வெர்சனில் பயனர்களின் தகவல்கள் திருடுபோகும் அபாயம் உள்ளதாம். அதில் சில தொழில்நுட்ப ஓட்டைகள் உள்ளதால், அதனை பயன்படுத்தி இணையவழி சைபர் கிரைம் விஷமிகள் , பயனர்களை திருடும் அபாயம் உள்ளது. இப்பிரச்சனை விண்டோஸ் ,  லினக்ஸ் ,  மேக் உள்ளிட்ட பயன்பாட்டாளர்களுக்கு உள்ளதாம்.

லினக்ஸ்-க்கான 130.0.6723.116க்கு முந்தைய குரோம் வெர்சன்கள், Windows மற்றும் Mac ஆகியவற்றில் 130.0.6723.116/.117-க்கு முந்தைய குரோம் வெர்சன்களை உபயோகிப்பவர்கள் அதனை அப்டேட் செய்ய வேண்டும் என அறிவுறுத்தப்பட்டுள்ளது.