OPPO A2m [File Image]
OPPO A2m 5G: ஒப்போ நிறுவனம் அக்டோபர் 11ம் தேதி தனது ஏ-சீரிஸில் ஒப்போ ஏ2x 5ஜி ஸ்மார்ட்போனை சீனாவில் அறிமுகப்படுத்தியது. இதனையடுத்து, அடுத்த மாடலான ஒப்போ ஏ2எம் என்ற புதிய 5ஜி ஸ்மார்ட்போனை தயாரிப்பதில் கவனம் செலுத்தி வருகிறது.
இந்த ஒப்போ ஏ2எம் ஸ்மார்ட்போன் இன்னும் சந்தைகளில் அறிமுகமாகவில்லை. இருந்தாலும் அறிமுகத்திற்கு முன்னதாக ஒப்போ ஏ2எம் ஸ்மார்ட்போனின் உறுதிப்படுத்தப்படாத வடிவமைப்பு மற்றும் விவரக்குறிப்புகள் சீனா டெலிகாம் இணையதளத்தில் வெளியாகியுள்ளது.
டிஸ்பிளே
ஒப்போ ஏ2எம் ஸ்மார்ட்போன் வாட்டர் டிராப் நாட்ச் உடன் கூடிய எஃப்எச்டி+ ரெசல்யூஷன் கொண்ட 6.56 இன்ச் டிஸ்பிளேவுடன் வரலாம். இந்த டிஸ்பிளே 90 ஹெர்ட்ஸ் ரெஃப்ரெஷ் ரேட் மற்றும் 720 நிட்ஸ் பீக் பிரைட்னஸைக் கொண்டிருக்கலாம். இதில் 3.5 மிமீ ஆடியோ ஜாக், புளூடூத், வைஃபை, ஜிபிஎஸ் மற்றும் டூயல் சிம் கார்டு ஸ்லாட் போன்றவை இருக்கும்.
பிராசஸர்
இதில் மாலி-ஜி57 எம்பி2 ஜிபியு உடன் இணைக்கப்பட்ட மீடியாடெக்கின் ஆக்டா-கோர் டைமன்சிட்டி 700 எஸ்ஓசி சிப்செட் பொருத்தப்படலாம். அதோடு, ஆண்ட்ராய்டு 13 ஓஎஸ்-ஐ அடிப்படையாகக் கொண்ட நிறுவனத்தின் சொந்த கலர் ஓஎஸ் இருக்கலாம். பாதுகாப்பிற்காக பக்கவாட்டில் பொருத்தப்பட்ட ஃபிங்கர் பிரிண்ட் சென்சாரை கொண்டிருக்கலாம்.
கேமரா மற்றும் பேட்டரி
கேமராவைப் பொறுத்தவரையில் எல்இடி ஃபிளாஷுடன் கூடிய 13 எம்பி கேமராவும், செல்ஃபிக்காக 5 எம்பி கேமராவும் பொறுத்தப்படலாம் என்று எதிர்பார்க்கப்படுகிறது. பேட்டரி குறித்த தகவல் ஆனது வெளியாகவில்லை.
இருந்தாலும் 184.6 கிராம் எடை கொண்ட இந்த போன் 5,000 mAh திறன் கொண்ட பேட்டரி பொருத்தப்படலாம் என்று கூறப்படுகிறது. இந்த பேட்டரியை சார்ஜ் செய்ய யூ.எஸ்.பி டைப்-சி போர்ட்டுடன் கூடிய 10 வாட்ஸ் சார்ஜிங் வசதி இருக்கலாம்.
ஸ்டோரேஜ்
மேலும், ஸ்டாரி நைட் பிளாக் மற்றும் ஃப்ளையிங் ஃப்ரோஸ்ட் பர்பிள் ஆகிய இரண்டு நிறங்களில் உலா ஒப்போ ஏ2எம் ஸ்மார்ட்போன் மூன்று வேரியண்ட்களில் அறிமுகப்படுத்தப்படலாம். அதன்படி, 6 ஜிபி ரேம் + 128 ஜிபி ஸ்டோரேஜ், 8 ஜிபி ரேம் + 256 ஜிபி ஸ்டோரேஜ் மற்றும் 12 ஜிபி ரேம் + 256 ஜிபி ஸ்டோரேஜ் ஆகிய மூன்று வேரியண்ட்களில் வரலாம்.
விலை
இதில் அடிப்படை மாடலான 6ஜிபி ரேம் வேரியண்ட் CNY 1499 (கிட்டத்தட்ட ரூ.17,052) என்ற விலையில் விற்பனை செய்யப்படலாம். அதே சமயம் 8 ஜிபி ரேம் வேரியண்ட் CNY 1799 (கிட்டத்தட்ட ரூ.20,465) என்ற விலையிலும், 12 ஜிபி ரேம் வேரியண்ட் CNY 2199 (கிட்டத்தட்ட ரூ.25,015) என்ற விலையிலும் சீனாவில் விற்பனைக்கு அறிமுகமாகலாம் என்று எதிர்பார்க்கப்படுகிறது.
இந்த ஸ்மார்ட்போனின் அறிமுக தேதிக் குறித்த தகவல் வெளியாகவில்லை. மேலே கொடுக்கப்பட்டுள்ள ஒப்போ ஏ2எம் ஸ்மார்ட்போனின் டிஸ்பிளே, கேமரா, பிராசஸர், ஸ்டோரேஜ் மற்றும் விலை போன்ற தகவல்கள் அனைத்தும் நிறுவனத்தால் அதிகாரப்பூர்வமாக உறுதிப்படுத்தப்படவில்லை என்பது குறிப்பிடத்தக்கது.
சென்னை : சூர்யா, கார்த்திக் சுப்புராஜ் கூட்டணியில் உருவாகியிருக்கும் 'ரெட்ரோ' படத்தின் டிரைலரை படக்குழு வெளியிட்டிருக்கிறது. இரண்டு மாதங்களுக்கு முன்பு…
பெங்களூரு : பெங்களூரு சின்னசாமி ஸ்டேடியத்தில் பெங்களூர் - பஞ்சாப் அணிகளுக்கு இடையிலான போட்டி இன்று நடைபெறவிருக்கிறது. இரு அணிகளும்…
டெல்லி : செல்போன் கட்டணத்தை கடந்தாண்டு ஜியோ, ஏர்டெல், வோடாபோன் ஐடியா ஆகியவை உயர்த்தின. பிஎஸ்என்எல் மட்டும் உயர்த்தவில்லை. இந்நிலையில்,…
சென்னை : NDA கூட்டணிக்கு நாதக-வை, நயினார் நாகேந்திரன் அழைத்திருந்த நிலையில், அதற்கு சீமான் நன்றி தெரிவித்துள்ளார். சென்னையில் இன்று…
சென்னை : நடிகர் அர்ஜுனின் இளைய மகள் அஞ்சனா கடந்த 2023-ஆம் ஆண்டு ஹேண்ட் பேக் தயாரிக்கும் நிறுவனம் ஒன்றை…
சென்னை : தென்னாப்பிரிக்காவின் இளம் அதிரடி வீரரான டிவால்ட் பிரேவிஸ், சென்னை சூப்பர் கிங்ஸ் அணியில் இணைந்துள்ளார். சென்னை சூப்பர்…
