ஸ்டெர்லைட் வழக்கு விசாரணையில் இருந்து, சென்னை உயர்நீதிமன்ற நீதிபதி சசிதரன் விளக்கியுள்ளார். இதுகுறித்து அவர் கூறுகையில், மதுரை கிளை உத்தரவு பிறப்பித்துள்ளதால், இந்த வழக்கை விசாரிக்க விரும்பவில்லை என தெரிவித்துள்ளார். இந்நிலையில், ஸ்ட்ரெலைட் வழக்கில், சென்னை உயர்நீதிமன்றம் முக்கிய உத்தரவு பிறப்பிக்க உள்ளதாக தகவல்கள் வெளியாகியுள்ள நிலையில், வேதாந்தா நிறுவனம், பணியாளர்கள் அனைவரும் தாமிரா வளாகத்துக்கு வருமாறு அழைப்பு விடுத்துள்ளது. இதனையடுத்து, காவல்துறை தூத்துக்குடியில் வழக்கமான பாதுகாப்பை உறுதி செய்துள்ளது.

உயர்நீதிமன்றத்தில் ஸ்டெர்லைட் ஆலை தொடர்பான வழக்கை , நீதிபதி சசிதரன் மற்றும் ஆஷா ஆகியோரின் அமர்வு விசாரித்து வந்தனர். இந்நிலையில், ஸ்டெர்லைட் ஆலையை திறக்கக் கோரிய வழக்கை விசாரிக்கும் அமர்வில் இருந்து நீதிபதி சசிதரன் விலகியுள்ளார். மேலும், உய்ரநீதிமன்ற மதுரை கிளையில், ஸ்ட்ரெலைட் ஆலை தொடர்பான வழக்கில் ஏற்கனவே விசாரித்துள்ளதால், தற்போது ஆலையை திறக்கக்கோரும் வேதாந்தா வழக்கை நான் விசாரிக்கவில்லை என நீதிபதி சசிதரன் கூறியுள்ளார்.