சிவகார்த்திகேயன் படம் மூலம் தயாரிப்பாளாராக அறிமுகமாக உள்ளதா சோனி பிக்சர்ஸ்?!

சிவகார்த்திகேயன் தற்போது மித்ரன் இயக்கத்தில் ஹீரோ எனும் படத்தில் நடித்து வருகிறார். இந்த படத்தை அடுத்து இன்று நேற்று நாளை பட இயக்குனர் ரவிக்குமார் இயக்கத்தில் ஒரு படத்தில் நடிக்க உள்ளார். அதற்கடுத்ததாக விக்னேஷ் சிவன் இயக்கத்தில் தனது 17வது படத்தில் நடிக்க கமிட் ஆகியுள்ளார்.

இந்நிலையில் அடுத்ததாக தனது 18வது படத்துக்காக கோலமாவு கோகிலா படத்தின் இயக்குனர் நெல்சன் அவர்களிடம் ஒரு கதை கேட்டு அந்த கதையையும் ஓகே செய்து வைத்துள்ளாராம். இந்த படத்துக்கான வேலை தற்போது நடைபெற்று வருகிறது. இந்தப் படத்தை முதலில் சிவகார்த்திகேயன் தயாரிப்பதாக இருந்தது. தற்போது இந்த படத்தை தற்போது சோனி பிக்சர்ஸ் நிறுவனம் தமிழில் முதன் முதலாக தயாரிக்க உள்ளதாம். விரைவில் இப்படம் குறித்த தகவல்கள் வெளியாகும் என எதிர்பார்க்கப்படுகிறது.

இந்த படத்தில் ஹீரோயினாக நடிக்க பிரியங்க அருள் மோகன் என்பவரிடம் பேச்சுவார்த்தை நடைபெற்று வருகிறதாம்.  இவர் தெலுங்கில் நானி ஹீரோவாக நடித்து வெற்றி பெற்ற கேங்லீடர் படத்தில் ஹீரோயினாக நடித்திருந்தார். தற்போது தமிழுக்கு அறிமுகமாக உள்ளார் என கூறப்படுகிறது. இப்படம் பற்றிய அதிகாரப்பூர்வ அறிவிப்புகள் விரைவில் வெளியாகும் என எதிர்பார்க்கப்படுகிறது.

தனது படங்களை தானே தயாரிக்க முன்வந்துள்ளாரா சிவகார்த்திகேயன்?!

சிவகார்த்திகேயன் தற்போது பிசியாக பல படங்களில் ஹீரோவாக நடித்து வருகிறார். சில படங்களை தனது நிறுவனம் மூலம் தயாரிக்கவும் செய்கிறார். இந்நிலையில் தற்போது அவரது பட தயாரிப்பின் மூலம் மூன்றாவது படமாக அருவி பட இயக்குனர் அருண் பிரபு இயக்கும் வாழ் படத்தினை தயாரிக்க உள்ளார்.

இதனை அடுத்து கோலமாவு கோகிலா படத்தை இயக்கிய நெல்சன் அடுத்ததாக இயக்கும் புதிய படத்தில் ஹீரோவாக சிவகார்த்திகேயன் நடிக்க உள்ளார். இந்த படத்தை 24ஏஎம் ஸ்டுடியோஸ் தயாரிக்க இருந்த நிலையில் இந்த படத்தை சிவகார்த்திகேயன் தனது நிறுவனம் மூலம் தயாரிக்க முன்வந்துளாராம்.

அதே போல அருவி இயக்குனர் அருண் பிரபு இயக்கம் வாழ் படமும் 24ஏஎம் நிறுவனம் தான் தயாரிக்க இருந்ததாம். ஆனால் படம் ஆரம்பிக்க லேட் ஆனதால் இப்படத்தை சிவகார்த்திகேயன் தயாரிக்க முன்வந்துவிட்டாராம்.

சிவகார்த்திகேயன், ‘இன்று நேற்று நாளை’ பட இயக்குனர் ரவிக்குமார் இயக்கும் புதிய படத்தை 24ஏஎம் தயாரித்து வருகிறதாம். ஆனால் அத்தனையும் தானே வாங்கி விடுவார் என எதிர்பார்க்கப்படுகிறது.