காதலர் தினத்தை முன்னிட்டு வெளியாகும் தனுஷின் ஜகமே தந்திரம்!

dhanush

கார்த்திக் சுப்புராஜ் இயக்கத்தில் உருவாகியுள்ள தனுஷின் ஜகமே தந்திரம் எனும் திரைப்படம் காதலர் தினத்திற்கு இரு தினங்கள் முன்பாக வெளியிடப்படவுள்ளதாக தகவல் வெளியாகியுள்ளது.

இயக்குனர் கார்த்திக் சுப்புராஜ் அவர்களின் இயக்கத்தில் நடிகர் தனுஷ் நடித்துள்ள புதிய தமிழ் திரைப்படம் தான் ஜகமே தந்திரம். இந்த படத்தில் தனுசுக்கு ஜோடியாக நடிகை ஐஸ்வர்யா லட்சுமி அவர்கள் நடித்துள்ளார். மேலும் கலையரசன், தேவன் உட்பட பல நடிகர்களுடன் இணைந்து நடித்துள்ளனர். இந்த படம் உருவாகி கடந்த வருடம் மே மாதம் வெளியிடப்பட இருந்த நிலையில்,  கொரோனா பரவல் காரணத்தால் திரையரங்குகள் மூடப்பட்டதால் படம் வெளியிட முடியாமல் நிறுத்தி வைக்கப்பட்டிருந்தது.

எனவே படத்தை ஒடிடி தளங்களிலும் வெளியிட முடியவில்லை. மேலும், தியேட்டரில் தான் படத்தை வெளியிடுவோம் என ரிலீஸ் தேதியை தள்ளி வைத்திரந்த படக்குழுவினர், தற்போது இந்த படம் பிப்ரவரி 12ஆம் தேதி வெளியிடத் திட்டமிட்டு இருப்பதாக கூறியுள்ளனர். காதலர் தினத்தை முன்னிட்டு இரு தினங்களுக்கு முன்பாகவே படத்தை வெளியிட திட்டமிட்டுள்ளதாக தகவல் வெளியாகி உள்ளது.

காதலனை பழிவாங்க காதலியின் வினோதமான செயல்! திகைத்து போன காதலன்!

1000 கிலோ வெங்காயத்தை ஆர்டர் செய்து அதனை  தன் முன்னாள் காதலர் வீட்டுக்கு அனுப்பிவைத்த காதலி.

சீனா ஷாண்டோங் மாநிலம், ஜிபோ பகுதியை சேர்ந்த பெண் ஜாவோ. இவர் நீண்ட நாட்களாக ஒருவராய் காதலித்து வந்துள்ளார். ஒவ்வொரு வருடமும், மே 20-ம் தேதி காதலர் தினம் கொண்டாடப்படுவதையடுத்து, தனது காதலனுடன் இணைந்து காதலர் தினத்தை கொண்டாடலாம் என மிகுந்த எதிர்பார்ப்புடன் காத்திருந்தார் ஜாவோ. 

ஆனால், ஜாவோவை அவரது காதலர் ஏமாற்றி விட்டார். இதனையடுத்து இவர் மூன்று நாட்களாக அழுதுக் கொண்டே இருந்துள்ளார். இந்நிலையில், அவரது காதலர் தங்களது பிரிவை குறித்து, எந்தவித கவலையும் இல்லாமல் இருப்பதாக தெரிய வந்தவுடன், கோபம் கொண்ட ஜாவோ தனது காதலரை பழிவாங்குவதற்காக ஒரு வினோதமான செயலை செய்துள்ளார். 

இந்நிலையில், ஜாவோ ‘1000 கிலோ வெங்காயத்தை ஆர்டர் செய்து அதனை  தன் முன்னாள் காதலர் வீட்டுக்கு அனுப்பிவைத்தார்.அதில் ஒரு கடிதத்தையும் இணைத்திருந்தார் அவர். அந்த கடிதத்தில், நான் மூன்று நாட்கள் அழுதேன், இப்போது உன்னுடைய முறை’ என்று எழுதப்பட்டிருந்தது.

ஜாவோவின் காதலர் வெங்காயத்தைப் பார்த்து திகைத்துப்போய் நின்றுள்ளார். இதுகுறித்து, ஜாவோவின் காதலர் கூறுகையில், தனது முன்னாள் காதலியை வித்தியாசமானவ்ர் என்று கூறினாலும், நான் அழாததற்காக நான் ஒரு மோசமான மனிதனா? என கேள்வியும் எழுப்பி உள்ளார்.

மாஸ்டர் படத்தின் ஒரு குட்டி கதை பாடலுடன் மிரட்டலாக காதலர் தினத்தை கொண்டாடிய பிகில் பட இயக்குனர்!

மாஸ்டர் திரைப்படத்துடன் காதலர் தினத்தை கொண்டாடிய அட்லீ.

இயக்குனர் லோகேஷ் கனகராஜ் இயக்கத்தில் தளபதி விஜய் நடிப்பில் உருவாகியுள்ள திரைப்படம் மாஸ்டர். இந்த படத்தில் விஜய்க்கு ஜோடியாக நடிகை மாளவிகா மோகன் நடிக்கிறார். விஜய் சேதுபதி சாந்தனு போன்ற முக்கிய பிரபலங்கள் இப்படத்தில் நடிக்கின்றனர். இப்படத்தின் ஒரு குட்டி கதை பாடல் நேற்று வெளியானது. இப்பாடல் வெளியாகி சில மணி நேரங்களில் பல மில்லியன் பார்வையாளர்களை பெற்று சாதனை படைத்தது.

இந்நிலையில், பிகில் பட இயக்குனரான அட்லி நேற்று தனது மனைவி பிரியா உடன் இணைந்து காதலர் தினத்தை மிகவும் கோலாகலமாக கொண்டாடினார். இதனை அடுத்து  பிரியா, அட்லீக்கு முத்தம் கொடுப்பது போன்ற ஒரு புகைப்படத்தை டுவிட்டரில் பதிவிட்டு அதோடு விஜய்யின் ஒரு குட்டிக் கதைப் பாடலில் இடம்பெற்ற ‘லைப் இஸ் வெரி ஷார்ட் நண்பா, அல்வேஸ் பி ஹேப்பி, என்று வரிகளை பதிவிட்டு தனது காதலர் தின வாழ்த்துக்களை தெரிவித்துள்ளார்.

காதலர் தினத்துக்காக சிறப்பு கவர்ச்சி புகைப்படமா? இணையதள கலக்கும் புகைப்படம் உள்ளே!

இரு மனங்கள் இணைவதற்கான ஒரு அன்பு பகிரும் உறவை தான் காதல் என்று கூறுகிறோம். இந்த காதலர்களுக்காக பிப்ரவரி 14ம்தேதி ஒதுக்கப்பட்டுள்ளது. அதாவது இன்று காதலர் தினம். இந்நிலையில், நடிகர் சிவகார்த்திகேயன் வருத்தப்படாத வாலிபர் சங்கம் எனும் தமிழ் திரைப்படத்தில் கதாநாயகி ஸ்ரீதிவ்யாவுக்கு தோழியாக நடித்தன் மூலம் தமிழ் திரை உலகில் அறிமுகமாகிய நடிகை ஷாலு ஷம்மு.

அதனை தொடர்ந்து பட வாய்ப்புகள் அதிகம் வராததால் கவர்ச்சியில் களமிறங்கிய இவர் தனது இணையதள பக்கங்களை கவர்ச்சி புகைப்படங்களால் நிரப்பி வைத்துள்ளார். இந்நிலையில் தற்போதும் காதலர் தினத்துக்காக படுகவர்ச்சியான ஒரு புகைப்படம் ஒன்றை தனது இன்ஸ்டா பக்கத்தில் பதிவிட்டுள்ளார். இந்த புகைப்படம் சமூக வலைதளங்களில் வைரல் ஆகி வருகிறது. இதோ அந்த புகைப்படம்,

காதலர் தின கொண்டாட்டம் பல்வேறு நாடுகளில்…!!

ஆண்டு தோறும் பிப்ரவரி 14_ஆம் தேதி உலகம் முழுவதும் காதலர் கொண்டாடப்படுகின்றது.அந்த வகையில் காதலர் தினத்தின் பல்வேறு நாடுகளின் கொண்டாட்டம் பற்றி இந்த தொகுப்பில் நாம் காண்போம் .

வாலண்டைன் தினங்கள் பிரிட்டனில் பிரதேச அளவிளவிலான பாரம்பரியம் கொண்டவையாக இருந்திருக்கின்றன. நோர்ஃபெக்கில் ‘ஜாக்’ எனப்படும் வாலண்டைன், வீடுகளின் பின்பக்க கதவைத் தட்டி இனிப்புகளையும், குழந்தைகளுக்கான பரிசுகளையும் விட்டுச்செல்வார். அவர் விருந்தளித்துச் சென்றாலும், பல குழந்தைகளும் இந்த மாய மனிதனை நினைத்து அச்சம்கொள்ளவே செய்கின்றனர். வேல்ஸில், வாலண்டைன் தினத்திற்கு மாற்றாக ஜனவரி 25 அன்று பலரும் டைடு சாண்டேஸ் டிவைன்வன் (தூய டிவைன்வென் தினம்) கொண்டாடுகின்றனர். வெஸ்ஷ் காதலர்களுக்கு ஆதரவாளரான இந்த தூய டிவைன்வென் நினைவாக இந்த நாள் கொண்டாடப்படுகிறது. பாரம்பரிய கத்தோலிக்க நாடான பிரான்சில் வாலண்டைன் தினம் “செயிண்ட் வாலண்டைன்” என்றே அறியப்படுகிறது என்பதுடன் மற்ற மேற்கத்திய நாடுகளில் கொண்டாடப்படும் அதே முறையிலேயே கொண்டாடப்படுகிறது.

ஸ்பெயினில் வாலண்டைன் தினம் சான் வாலண்டைன் என்று அறியப்படுவதோடு பிரிட்டனில் கொண்டாடப்படும் அதே முறையிலேயே கொண்டாடப்படுகிறது, இருப்பினும் கத்தோலோனியாவில் லா டியாடா டி சாண்ட் ஜோர்டி (செயிண்ட் ஜார்ஜ் தினம்) அன்று ரோஜா மற்றும்/அல்லது புத்தகம் வழங்கி கொண்டாடப்படும் இதேபோன்ற தினத்தால் பெருமளவில் மாற்றமடைந்துள்ளது. போர்த்துக்கலில் இது மிகப்பொதுவாக “டயா டோஸ் நெமோரடஸ்”(ஆண்கள்/பெண்கள் தினம்) என்று குறிப்பிடப்படுகிறது.

டென்மார்க் மற்றும் நார்வேவில் வாலண்டைன் தினம் (பிப்ரவரி 14) வாலண்டைன்ஸ் டே என்று அறியப்படுகிறது. இது பெரிய அளவில் கொண்டாடப்படுவதில்லை, ஆனால் பலரும் தங்கள் இணையுடன் ரொமாண்டிக் உணவு உண்ணவும், தாங்கள் நேசிக்கின்றவருக்கு ரகசியக் காதலுக்கான வாழ்த்து அட்டை அனுப்பவும் அல்லது சிகப்பு ரோஜாவைக் கொடுக்கவும் நேரத்தை செலவிடுகின்றனர். ஸ்வீடனில் இது அலா ஹர்டன்ஸ் டேக் (“அனைத்து இதயங்களின் நாள்”) என்றழைக்கப்படுகிறது, இது 1960 ஆம் ஆண்டுகளின் பூ தொழில் வணிக நோக்கங்களுக்காகவும், அமெரிக்க கலாச்சாரத்தின் செல்வாக்கினாலும் துவக்கி வைக்கப்பட்டது. இது அதிகாரப்பூர்வமான விடுமுறை தினம் அல்ல, ஆனால் இந்தக் கொண்டாட்டம் அங்கீகரிக்கப்பட்டுள்ளதோடு, அன்னையர் தினத்தைவிட அழகுசாதனப் பொருட்களும் பூக்களும் மட்டுமே இந்த தினத்தில் அதிகமாக விற்பனையாகின்றன.

ஃபின்லாந்தில் வாலண்டைன் தினம் ஸ்த்வான்பைவா அதாவது “நண்பர்கள் தினம்” என்று அழைக்கப்படுகிறது. பெயர் குறிப்பிடுவதுபோல, இந்த நாள் நீ்ங்கள் நேசிப்பவர் மட்டுமல்லாது உங்கள் நண்பர்களையும் நினைவுகூறும் நாளாக இருக்கிறது. எஸ்தோனியாவில் வாலண்டைன் தினம் இதேபோன்று பொருள் கொண்ட சோப்ராபேவ் என்று அழைக்கப்படுகிறது.

ஸ்லாவேனியாவில், “தூய வாலண்டைன் வேர்களின் சாவியை கொண்டுவந்திருக்கிறார்” என்று ஒரு பழமொழி சொல்லப்படுவதுண்டு, எனவே பிப்ரவரி 14 அன்று செடிகளும் மலர்களும் வளரத் தொடங்குகின்றன. ஓயின் நிலங்களில் வேலை தொடங்கும்போது அது வாலண்டைன் தினமாக கொண்டாடப்படுகிறது. பறவைகள் ஒன்றுக்கொன்று கோரிக்கை விடுக்கின்ற அல்லது திருமணம் செய்துகொள்கிற நாளாகவும் அது இருப்பதாக சொல்லப்படுகிறது. இருந்தபோதிலும், இது இப்போதுதான் காதல் தினமாக கொண்டாடப்படுகிறது. பாரம்பரியமாக காதல் தினம் என்பது தூய கிரிகோரியின தினமான மார்ச் 12 அன்றுதான் கடைபிடிக்கப்படுகிறது. மற்றொரு பழமொழி “Valentin – prvi spomladin” (வாலண்டைன் – இளவேனிற்கால முதல் தூயவன்) என்று கூறுகிறது, சில இடங்களில் இருப்பதுபோல் (குறிப்பாக, ஒயிட் கர்னியோலா) தூய வாலண்டைன் இளவேனிற்கால தொடக்கத்தையே குறிப்பிடுகிறார்.

ரோமானியாவில், காதலர்களுக்கான பாரம்பரிய கொண்டாட்ட தினம், பிப்ரவரி 24 அன்று கொண்டாடப்படும் டிராகோபீட் ஆகும். பாபா டோகியாவின் மகனாக இருக்கலாம் என்று கருதப்படும் ரோமானிய நாட்டுப்புற கதாபாத்திரத்தின் நினைவாக இவ்வாறு பெயரிடப்பட்டுள்ளது. அவர் பெயரின் ஒரு பகுதி, dragoste (“காதல்”) என்ற வார்த்தையிலும் காணப்படுகின்ற drag (“அன்புக்குரிய”) என்ற வார்த்தையில் உள்ளது. சமீபத்திய ஆண்டுகளில், ஏற்கனவே டிராகோபீட் என்ற பாரம்பரியமான கொண்டாட்ட தினம் இருந்தபோதிலும் ரோமானியாவும் வாலண்டைன் தினத்தைக் கொண்டாட தொடங்கியுள்ளது. இது பல்வேறு குழுக்கள், மேம்பட்ட நபர்கள் மற்றும் நிறுவனங்களிடமிருந்து கடுமையான விமர்சனத்தைப் பெற்றிருக்கிறது,[36] அத்துடன் வாலண்டைன் தினத்தை மேலோட்டமான, வணிகமயமான மற்றும் மேற்கிலிருந்து இறக்குமதியான மோசமான விஷயமாக இருக்கிறது என்று கண்டிக்கின்ற நோவா டிரெப்தா போன்ற தேசியவாத அமைப்புக்களும் இதை எதிர்க்கின்றன.

மத்திய மற்றும் தென் அமெரிக்கா[தொகு]

கௌதமாலாவில், வாலண்டைன் தினம் “Día del Amor y la Amistad” (காதல் மற்றும் நட்பு தினம்) என்று அழைக்கப்படுகிறது. இது பல வழிகளிலும் அமெரிக்க வடிவத்தை ஒத்திருக்கிறபோதும், தங்கள் நண்பர்களுக்கான “பாராட்டு தெரிவித்தல்” என்ற செயலை மக்கள் செய்வது பொதுவான விஷயமாகும்.[37]

பிரேசிலில்,Dia dos Namorados (இலக். “நேசம்கொண்டவர்கள் தினம்”, அல்லது “ஆண் நண்பர்கள்/பெண் நண்பர்கள் தினம்”) ஜூன் 12 அன்று கொண்டாடப்படுகிறது, அப்போது ஜோடிகள் பரிசுகள், சாக்லேட்டுகள், வாழ்த்து அட்டைகள் மற்றும் மலர்ச்செண்டுகளை பரிமாறிக்கொள்வர்.

வெனிசுலாவில், 2009 ஆம் ஆண்டில் அதிபர் ஹ்யூகோ சாவேஸ் தனது ஆதரவாளர்களிடம் பிப்ரவரி 15 அன்று வரவிருந்த பொதுவாக்கெடுப்பு குறித்து இவ்வாறு கூறினார், “பிப்ரவரி 14 அன்றிலிருந்து எதையும் செய்வதற்கு நேரமிருக்காது அல்லது எதுவுமிருக்காது… ஒரு முத்தமோ அல்லது வேறு ஏதேனுமோ மிகவும் அற்பத்தனமானதே”, அவர் மக்களிடம் பொதுவாக்கெடுப்பு முடிந்த பின்னர் ஒரு வாரம் முழுவதையும் காதல் வாரமாக கொண்டாடுமாறு பரிந்துரைத்தார்.[39]

தென் அமெரிக்காவில் பெரும்பாலும் 1}Día del amor y la amistad (இலக். “காதல் மற்றும் நட்பு தினம்”) மற்றும் Amigo secreto (“ரகசிய நண்பன்”) முற்றிலும் பிரபலமானது என்பதுடன், இரண்டும் பிப்ரவரி 14 அன்று ஒன்றாகவே கொண்டாடப்படுகிறது (ஒரே விதிவிலக்கு என்னவெனில், கொலம்பியாவில் இது செப்டம்பர் 20 அன்று கொண்டாடப்படுகிறது). பின்னர் கூறியதில் ஒவ்வொரு பங்கேற்பாளருக்கும் தற்செயல் முறையில் ஒரு பெறுபவர் ஒதுக்கப்படுவார், அவர் அநாமதேய பரிசு ஒன்றைத் தருவார் (இது கிறித்துவ பாரம்பரியத்தில் உள்ள சீக்ரெட் சாண்டாவைப் போன்றது).

காதலர் தின ஆடைகள்….!!

ஆண்டு தோறும் பிப்ரவரி 14_ஆம் தேதி உலகம் முழுவதும் காதலர் கொண்டாடப்படுகின்றது.அந்த வகையில் காதலர் தினத்தில் பல்வேறு நாடுகளில் காதலர்கள் கொண்டாடி வருகின்றனர்.அந்த வகையில் காதலர் தின கொண்டாட்டத்தின் போது நாம் உடுத்தும் உடையும் அதன் விளக்கமும் காதலர் தினத்தில் ஒவ்வொருவரின் எண்ணத்தை பறைசாற்றும்….

அந்த வகையில் என்ன நிற ஆடைக்கு என்ன விளக்கம் என்று பார்ப்போம் :

பச்சை நிற உடை- எனக்கு விருப்பம் உங்களுக்காகக் காத்திருக்கிறேன்

ரோஸ் நிற உடை- இப்பதான் காதலை ஏற்றேன்

நீல நிற உடை- இன்னும் தனியாகத்தான் இருக்கிறேன்

மஞ்சள் நிற உடை- காதல் தோல்வியடைந்தேன்

கறுப்பு நிற உடை – காதல் நிராகரிக்கப்பட்டது

ஆரஞ்சு நிற உடை- நிச்சயதார்த்தம் செய்ய ரெடி

சிவப்பு நிற உடை- என்னை விட்டுவிடுங்கள்

கிரே கலர் உடை-  காதலில் இன்ரெஸ்ட் இல்லை

வெள்ளை நிற உடை-  ஏற்கனவே காதலிக்கிறேன்

அதிர்ச்சி செய்தி ! காதலர் தினம் குறித்த செய்திக்கு தடை ….

பாகிஸ்தான் ஊடகங்களுக்கு காதலர் தினம் குறித்த செய்திகளை வெளியிட  தடை விதிக்கப்பட்டுள்ளது.

இதுதொடர்பான மனுவை விசாரித்த இஸ்லாமாபாத் உயர்நீதிமன்றம், பிப்ரவரி 14ம் தேதியை காதலர் தினமாகக் கொண்டாடக் கூடாது என்று தடை விதித்து உத்தரவிட்டது.

இதையடுத்து ஊடகங்களுக்கு பாகிஸ்தான் அரசு மின்னணு ஊடக கண்காணிப்பு நிறுவனம் தடை உத்தரவை பிறப்பித்துள்ளது. தனி நபர்களின் காதலர் தினக் கொண்டாட்டத்திற்கு தடை இல்லை என்ற போதும், அரசு நிறுவனங்கள் அதை கொண்டாடவும், ஊடகங்கள் படம் பிடித்து ஒளிபரப்பவும் தடை விதிக்கப்பட்டுள்ளதாக விளக்கம் அளிக்கப்பட்டுள்ளது.

மேலும் செய்திகளுக்கு தினச்சுவடுடன் இணைந்திருங்கள்.