உருமாறிய கொரோனாவுக்கு கோவாக்சின் பூஸ்டர் தடுப்பூசி நோய் எதிர்ப்பு சக்தியை கூட்டுகிறது – ஆய்வில் தகவல்!

உருமாறிய கொரோனாவுக்கு எதிராக கோவாக்சின் பூஸ்டர் தடுப்பூசி நோய் எதிர்ப்பு சக்தியை கூட்டுகிறது என ஆய்வில் தெரிவிக்கப்பட்டுள்ளது.

கொரோனா வைரஸை அழிக்கும் விதமாக நாடு முழுவதும் கோவாக்சின்  மற்றும் கோவிஷீல்ட் ஆகிய தடுப்பூசிகள் அதிக அளவில் மக்களுக்கு பயன் செலுத்தப்பட்டுள்ளது. இந்நிலையில் இரண்டு டோஸாக தடுப்பூசிகள் செலுத்தப்பட்டுள்ள நிலையில், தற்போது உருமாறி பரவி வரும் கொரோனாவுக்கு எதிராக இவை குறைவான நோயெதிர்ப்பு ஆற்றலை கொண்டுள்ளது என கூறப்பட்டது.

எனவே, டோஸ் தடுப்பூசிகளை செலுத்தி கொள்ளுமாறு அறிவுறுத்தப்படுகிறது. மேலும் இன்று முதல் மக்களுக்கு பூஸ்டர் தடுப்பூசியும் செலுத்தப்பட்டு வருகிறது. இந்நிலையில் உருமாறிய கொரோனாவாகிய பி1, டெல்டா மற்றும் ஓமைக்ரான் ஆகியவற்றுக்கு எதிராக கோவாக்சின் பூஸ்டர் தடுப்பூசி சிறப்பாக செயல்படுவதாக இந்திய மருத்துவ ஆராய்ச்சி கவுன்சில் மற்றும் பரத் பயோடெக் நிறுவனம் நடத்திய ஆய்வில் தெரியவந்துள்ளது.

நோய் எதிர்ப்பு சக்தியை அதிகரிக்கும் ஏலக்காய் டீ…!

நோய் எதிர்ப்பு சக்தியை அதிகரிக்கும் ஏலக்காய் டீ.

ஏலக்காய் நறுமணப் பொருட்களில் ஒன்றாகும். இது வாசனைக்காக பயன்படுத்தப்பட்டாலும், இதில் பலவிதமான சத்துக்கள் காணப்படுகிறது. இதில் வைட்டமின் ஏ, பி, சி போன்ற சத்துக்கள் அதிக அளவில் காணப்படுகிறது. தற்போது இந்த பதிவில் ஏலக்காய் டீ அடிக்கடி குடிப்பதால் என்னென்ன நன்மைகள் என்பது பற்றி பார்ப்போம்.

ஏலக்காயில் ஆன்டி-ஆக்ஸிடன்ட்கள் அதிகமாக காணப்படுவதால், இது புற்றுநோய் செல்களின் வளர்ச்சியைத் தடுத்து புற்றுநோய் பாதிப்பில் இருந்து நம்மை பாதுகாக்கிறது. மேலும் நெஞ்சில் சளி பிரச்சனை உள்ளவர்கள், மூச்சு விடுவதற்கு சிரமப்படுபவர்கள், சளி, இருமல் போன்ற பிரச்சினை உள்ளவர்கள் ஏலக்காய் டீயை குடித்து வந்தால் இந்த பிரச்சனைகளில் இருந்து விடுபடலாம்.

ரத்த அழுத்தப் பிரச்சினை உள்ளவர்கள் ஏலக்காய் டீ குடிப்பதன் மூலம் உடலில் ரத்த ஓட்டம் அதிகரித்து, உயர் ரத்த அழுத்தம் பிரச்சனைகளில் இருந்து விடுதலை ஆக்குகிறது. மேலும் தலைவலி பிரச்சினை உள்ளவர்கள், இந்த டீயை குடித்து வந்தால் தலைவலி விரைவில் குணமடையும்.

stomach painசெரிமானப் பிரச்சினை உள்ளவர்கள் ஏலக்காய் டீ குடித்தால் செரிமான பிரச்சனைகள் நீங்குவதோடு, வயிற்று சம்பந்தமான பிரச்சனைகளையும் போக்குகிறது.

நமது உடலில் நோய் எதிர்ப்பு சக்தி குறைவாக காணப்படும் பட்சத்தில், எந்த ஒரு தொற்று நோயாக இருந்தாலும் எளிதில் நம்மை தாக்கி விடும். எனவே இப்படிப்பட்ட பாதிப்புகளில் இருந்து நம்மை பாதுகாத்துக்கொள்ள, ஏலக்காய் டீ மிகவும் உதவுகிறது. ஏலக்காய் டீயை தொடர்ந்து குடிப்பதால் நோய் எதிர்ப்பு சக்தியை நமது உடலில் அதிகரிக்கிறது.

கொரோனாவுக்கு எதிராக நோய் எதிர்ப்பு சக்தியை அதிகரிக்க யோகா பயிற்சி உதவும் – மத்திய சுகாதாரத்துறை மந்திரி!

ramnathgovind

கொரோனாவுக்கு எதிராக நோய் எதிர்ப்பு சக்தியை அதிகரிப்பதற்கு யோகா பயிற்சி உதவும் என மத்திய சுகாதாரத்துறை மந்திரி ஹர்ஷவர்த்தன் அவர்கள் கூறியுள்ளார்.

ஜூன் 21 ஆம் தேதியான இன்று உலகம் முழுவதிலும் சர்வதேச யோகா தினம் கொண்டாடப்பட்டு வருகிறது. கொரோனா பரவல் காரணமாகத் தற்பொழுது ஊரடங்கு கட்டுப்பாடுகள் விதிக்கப்பட்டு இருப்பதால். இந்த முறை மிக எளிமையாக சர்வதேச யோகா தினமாக கொண்டாடப்பட்டு வருவதுகிறது. இதனை அடுத்து டெல்லியில் உள்ள அஷ்டபதி பவனில் குடியரசுத் தலைவர், குடியரசுத் துணைத் தலைவர் மற்றும் அவரது மனைவி உஷா ஆகியோர் யோகாவில் ஈடுபட்டிருந்தனர். மேலும் பல்வேறு மந்திரிகள், அமைச்சர்கள், எம்பிக்கள், எம்எல்ஏக்கள் என பலரும் இந்த யோகப் பயிற்சியில் ஈடுபட்டு வருகின்றனர்.

இதே போல மத்திய சுகாதார மந்திரி ஹர்சவர்தன் அவர்கள் யோகா பயிற்சியில் ஈடுபட்டுள்ளார். அதன் பின்பதாக செய்தியாளர்களை சந்தித்து பேசிய அவர் கொரோனா காலத்தில் யோகா தொடர்புடைய விஷயங்கள் அதிகமாக செயல்படுத்தப்பட்டு வருவதாகவும், நம்முடைய உடல் சார்ந்த மற்றும் மனம் சார்ந்த சுகாதார விஷயங்களை பராமரிக்க உதவும் யோகா உடற்பயிற்சிகளை அன்றாட வாழ்வில் நாம் ஒரு பகுதியாக வைத்துக் கொள்ள வேண்டும் எனவும் கூறியுள்ளார். மேலும், கொரோனா வைரஸ்க்கு எதிரான நோய் எதிர்ப்பு சக்தி நமது உடலில் அதிகரிப்பதற்கு யோகப்பயிற்சி அதிக அளவில் உதவியாக இருக்கும் எனவும் தெரிவித்துள்ளார்.

முட்டைக்கோஸ் வேக வைத்த நீரில் இவ்வளவு நன்மைகள் கிடைக்குமா? அறியலாம் வாருங்கள்!

cabbage
  • உணவே மருந்து என்பது போல நாம் தினமும் சாப்பிடக்கூடிய உணவு வகைகளில் தான் நமது உடலுக்கு தேவையான சத்துக்களும், நோய் எதிர்ப்பு சக்திகளும் அடங்கியுள்ளது.
  • குறிப்பாக முட்டைகோஸ் வேகவைத்த நீரில் ஏராளமான நன்மைகள் அடங்கி இருக்கிறது, அவற்றை பற்றி அறியலாம் வாருங்கள்.

நாம் அடிக்கடி நமது உணவில் சேர்த்துக் கொள்ளக் கூடிய முட்டைகோஸில்  எண்ணற்ற நன்மைகள் அடங்கி இருக்கிறது. இருப்பினும் இந்த முட்டைக்கோஸை  சாதாரணமாக நாம் உணவுடன் சாப்பிடுவதை விட, முட்டைகோஸை வேகவைத்து அதின் நீரை எடுத்து உட்கொள்ளுவதால் மிக அதிக அளவில் நன்மைகள் கிடைக்கிறது. அவற்றை குறித்து தெரிந்து கொள்ளலாம் வாருங்கள்.

எடை குறைப்பு

பலர் தற்போதைய கால கட்டத்தில் உடல் எடையை குறைத்து ஸ்லிம்மாக அழகாக தெரிய வேண்டும் என விரும்புகிறார்கள். ஆனால் ஸ்லிம்மாக தெரியவேண்டும் என்பதற்காக உடற்பயிற்சி கூடங்களுக்கு பணத்தை கொடுத்தும், விலை அதிகம் உள்ள சில மருந்துப் பொருட்களை உட்கொள்வதாலும் பலர் உடல் எடையை குறைத்து விடலாம் என நினைக்கின்றனர்.

சிலருக்கு அதன் மூலம் நன்மைகள் கிடைத்திருந்தாலும், பலருக்கு இதன் மூலம் பயன் கிடைப்பதில்லை. இருப்பினும் இந்த முட்டைகோஸ் சூப் அல்லது ஜூஸ் போல செய்து குடிக்கும் பொழுது உடல் உறுப்புகளில் உள்ள கலோரிகளை குறைப்பதால் விரைவில் நமது உடல் எடையை நாம் குறைக்க முடியும்.

வயிற்றுப்புண்

நேரம் தவறி சாப்பிடுவது அல்லது மூன்று வேளையும் தொடர்ந்து சாப்பிடாமல் இருப்பதன் காரணமாக உடலில் அல்சர் அதாவது வயிற்றுப்புண் ஏற்படக்கூடும். இந்த வயிற்றுப் புண் காரணமாக உடல் உள்ளுறுப்புகள் சம்பந்தப்பட்ட வியாதியும், வெளி உறுப்புகளில் சில வியாதிகளும் ஏற்படுகிறது. இந்த அல்சரை குணப்படுத்துவதற்கு முட்டைகோஸை வேகவைத்து நீர் குடிப்பது மிகவும் உதவுகிறது.

கன் பிரச்சனை

கண்புரை என்று அழைக்கப்படக்கூடிய கண் தொடர்பான பிரச்சனையை குணப்படுத்துவதற்கும் இந்த முட்டைக்கோஸ் வேக வைத்த நீர் உதவுகிறது. கண் புரை எனப்படும் கேட்ராக்ட் நோய் வராமல் தவிர்க்க வேண்டும் என நினைப்பவர்களும் இந்த முட்டைக்கோஸ் வேக வைத்த தண்ணீரைக் குடிக்கலாம்.

புற்றுநோய்

தற்போதைய காலகட்டத்தில் பலருக்கும் புற்றுநோய் ஏற்படக்கூடிய அபாயம் ஏற்படுகிறது. புற்றுநோயில் இருந்து குணம் அடைய விரும்புபவர்கள் அல்லது புற்றுநோய் வராமல் தவிர்க்க வேண்டும் என விரும்புபவர்கள் இந்த முட்டைக்கோஸ் வேக வைத்த நீரை எடுத்துக் கொள்ளலாம். இதில் இருக்கக்கூடிய ஐசோசியனேட் நுரையீரல் மற்றும் வயிறு போன்றவற்றில் புற்றுநோய் உருவாவதை தடுத்து உடலில் புற்றுநோய் செல்கள் உருவாகாமல் தடுக்க உதவுகிறது.

நோய் எதிர்ப்பு சக்தி

தற்பொழுது உலகில் வாழக்கூடிய அனைத்து மனிதர்களுக்குமே மிக அவசியமான ஒன்றாக நோய் எதிர்ப்பு சக்தி தான் தேவை. அதிகளவில் தற்பொழுது பரவக்கூடிய வைரஸ் கிருமிகளை அழிக்கும் இந்த நோய் எதிர்ப்பு சக்தி மிக அவசியமான ஒன்றாக இருக்கிறது. இந்நிலையில் ஆரோக்கியமாகவும் நோய் நொடி இல்லாமலும் வாழ வேண்டுமானால் நாம் வாழவேண்டுமானால் அதிக சத்துள்ள உணவுகளை உட்கொள்ள வேண்டும். அவ்வாறு இந்த முட்டைக் கோஸ் சாற்றில் இருக்கக்கூடிய ஹிஸ்டிடின் எனும் சத்து உடலில் அதிக அளவில் நோய் எதிர்ப்பு சக்தியை கொடுக்கிறது.

கொரோனாவை எதிர்த்து போராட…, நோய் எதிர்ப்பு சக்தி அதிகரிக்க…, இந்த ரசம் சாப்பிடுங்க….!

கொரோனா தொற்றில் இருந்து பாதுகாக்கப்பட, நோய் எதிர்ப்பு சக்தியை அதிகரிக்க கூடிய ரசம் செய்வது எப்படி?

இந்தியா முழுவதும் கொரோனா வைரஸ் இரண்டாவது அலை தீவிரமாக பரவி வரும் நிலையில், இந்த வைரஸை கட்டுப்படுத்த பல்வேறு நடவடிக்கைகள் மேற்கொள்ளப்பட்டு வருகிறது. இந்த வைரஸ் பாதிப்பில் இருந்து தப்பித்துக்கொள்ள சமூக இடைவெளியை கடைபிடித்தல், முக கவசம் அணிதல் போன்ற கட்டுப்பாடுகளை பொதுமக்கள் கடைபிடிக்குமாறு அறிவுறுத்தப்பட்டுள்ளது.

மருத்துவர்கள் கூறுகையில், ஒவ்வொருவரும் தங்களது உடலில் நோய் எதிர்ப்பு சக்தியை வளர்த்துக் கொள்ளக் கூடிய சத்துள்ள உணவுகளை உண்ணுமாறு மருத்துவர்கள் அறிவுறுத்தி வருகின்றனர். அந்த வகையில் தற்போது இந்த பதிவில் நமது வீட்டில் கிடைக்கக்கூடிய பொருட்களை வைத்து நோய் எதிர்ப்பு சக்தியை அதிகரிக்க செய்யும் ஆரோக்கியமான ரசத்தை செய்வது எப்படி என்று பார்ப்போம்.

தேவையானவை

  • புளி கரைசல் – ஒரு டீஸ்பூன்
  • தக்காளி – 1 நறுக்கியது
  • கருவேப்பிலை – ஒரு கொத்து
  • கருப்பு மிளகு – 2 தேக்கரண்டி
  • பூண்டு – 4 அல்லது 5
  • மஞ்சள்தூள் – அரை டீஸ்பூன்
  • சிவப்பு மிளகாய் – 2
  • உப்பு – தேவைக்கேற்ப
  • சீரகம் – ஒரு டீஸ்பூன்
  • ஹிங் – அரை டீஸ்பூன்
  • கொத்தமல்லி – சிறிதளவு
  • எண்ணெய் – ஒரு தேக்கரண்டி
  • கடுகு – ஒரு டீஸ்பூன்

செய்முறை

முதலில் காய்ந்த மிளகாய் – 2, கருப்பு மிளகு, சீரகம், பூண்டு மற்றும் கறிவேப்பிலை சேர்த்து நன்றாக அரைத்துக் கொள்ள வேண்டும். பின் ஒரு கடாயில் எண்ணெய் ஊற்றி நறுக்கிய தக்காளி, கருவேப்பிலை, மஞ்சள் தூள் சிறிது உப்பு சேர்த்து பின் அரைத்து வைத்துள்ள கலவையையும் சேர்த்து வதக்கவேண்டும்.

அதன் பின்பு புளிக்கரைசல் மற்றும் 2 கப் தண்ணீர் சேர்த்து குறைந்த பட்சம் ஒரு பத்து நிமிடங்கள் மூடிவைத்து மிதமாக கொதிக்கும்போது இறக்கி விட வேண்டும். மற்றொரு கடாயில் சிறிது எண்ணெய், கடுகு, காய்ந்த மிளகாய் ஆகியவற்றை போட்டு வதக்கி,  அதனை ரசத்தினுள் கொட்ட வேண்டும்.

 ரசத்தை இறக்கியவுடன் புதிதாக நறுக்கிய கொத்தமல்லி இலைகளை கொண்டு அலங்கரிக்க வேண்டும். அதற்கு மேலாக சிறிதளவு மிளகுத்தூள் தூவினால், மேலும் சுவையாகவும், மணமாகவும் இருக்கும்.

நன்மைகள்

நாம் ரசம் தயாரிப்பதற்காக பயன்படுத்துகிற அனைத்து பொருட்களுமே நோய் எதிர்ப்பு சக்தியை அதிகரிக்கச் செய்யக்கூடிய ஆற்றல் உள்ளது. புளி, மஞ்சள்தூள், கறிவேப்பிலை ஆகியவை நோய் எதிர்ப்பு தன்மை கொண்டவையாகும். வெள்ளைப்பூண்டை பொருத்தவரை நோய் எதிர்ப்பு சக்தி அதிகரிப்பதோடு, வயிற்று சம்பந்தமான பல பிரசச்னைகளை போக்குகிறது.

மாட்டு சாணம் அல்லது சிறுநீர் கொரோனாவிற்கு எதிராக நோயெதிர்ப்பு சக்தியை அதிகரிக்காது…! – இந்திய மருத்துவ கவுன்சில் தலைவர்

anticow

மாட்டு சாணம் அல்லது சிறுநீர் பயன்படுத்தப்படுகிறது. இது நோய் எதிர்ப்பு சக்தியை அதிகரிக்கும் என்ற எந்த அறிவியல் சான்றுகளும் இல்லை.

உலகம் முழுவதும் கொரோனா வைரஸ் பரவல் தொடர்ந்து அதிகரித்து வரும் நிலையில், இந்தியாவில் இந்த வைரஸ் பாதிப்பு நாளுக்கு நாள் அதிகரித்த வண்ணம் தான் உள்ளது. இந்நிலையில் இந்த வைரஸ் பாதிப்பால் பலரும் பாதிக்கப்பட்டுள்ள நிலையில் பலர் உயிரிழந்துள்ளனர்.  பல மருத்துவமனைகள் நிரம்பி வழியும் நிலையில், மருத்துவமனை படுக்கைகள், ஆக்ஸிஜன், மருத்துவ உபகரணங்கள் பற்றாக்குறையால் மக்கள் சிரமப்படுகின்றனர்.

மேலும் ஆக்சிஜன் மற்றும் படுக்கைகள் இல்லாத காரணத்தினால் சிலர் உயிரிழந்துள்ளனர். இந்நிலையில் இந்தியாவில் குஜராத் மாநிலத்தில் சிலர் வாரத்திற்கு ஒருமுறை, மாட்டு முகாம்களுக்கு சென்று தங்கள் உடல்களை மாட்டு சாணம் மற்றும் சிறுநீரில் முழுவதுமாக நனைத்து கொள்கின்றன. இது அவர்களின் நோய் எதிர்ப்பு சக்தி அதிகரிக்கும் அல்லதுகொரோனா வைரசில் இருந்து மீட்க உதவும் என நம்புகின்றனர் .

இந்து மதத்தில் மாடு என்பது வாழ்க்கை மற்றும் ஒரு பூமியின் புனிதமான அடையாளமாகும். இந்துக்கள் தங்கள் வீடுகளை சுத்தம் செய்வதற்கும், மாட்டு சாணத்தை பயன்படுத்துகின்றனர். ஏனென்றால் மாட்டு சாணத்தில் ஆன்டி-செப்டிக் பண்புகள் உள்ளது என நம்புகின்றனர்.

 மருத்துவர்கள் மற்றும் ஆராய்ச்சியாளர்கள் மாட்டுச் சாணம் அல்லது அதன் சிறுநீர் நோய் எதிர்ப்பு சக்தியை அதிகரிக்கும் என்பது, ஒரு தவறான கருது,  மேலும் பல மேலும், இது சுகாதாரப் பிரச்சினைகளுக்கும் வழிவகுக்கும் என்றும் தெரிவிக்கின்றனர்.

இதுகுறித்து இந்திய மருத்துவ சங்கத்தின் தேசிய தலைவர் டாக்டர் ஜே.ஆர்.ஜெயலால்  கூறுகையில், கொரோனாவுக்கு எதிராக நோய் நோய் எதிர்ப்பு சக்தியை அதிகரிப்பதற்காக மாட்டு சாணம் அல்லது சிறுநீர் பயன்படுத்தப்படுகிறது. இது நோய் எதிர்ப்பு சக்தியை அதிகரிக்கும் என்ற எந்த அறிவியல் சான்றுகளும் இல்லை. இது முழுவதுமாக மூட நம்பிக்கையை அடிப்படையாகக் கொண்டது என தெரிவித்துள்ளார். இவ்வாறு செய்வதன் மூலம் விலங்குகளிடமிருந்து மனிதர்களுக்கு வேறு சில உடல்நல அபாயங்கள் ஏற்பட வாய்ப்புள்ளது என்றும் தெரிவித்துள்ளார்.

உங்களது நோய் எதிர்ப்பாற்றலை கட்டியெழுப்ப…., கொரோனா என்னும் கொடிய அரக்கன் உங்களை அணுகாம இருக்க…! இதை மட்டும் செய்ங்க மக்களே…!

immunity boosters

உடலில் நோய் எதிர்ப்பு சக்தியை அதிகரிக்க கீழ்கண்ட வாழிமுறைகளை பின்பற்றுங்கள். 

உலகம் முழுவதும் கொரோனா வைரஸ் தீவிரமாக பரவி வரும் நிலையில், இந்த வைரஸை கட்டுப்படுத்த அரசு பல முன்னெச்சரிக்கை நடவடிக்கைகளை மேற்கொண்டு வருகிறது. இருப்பினும் இந்த வைரஸால் பாதிக்கப்படுவோரின் எண்ணிக்கையும், உயிரிழப்போரின் எண்ணிக்கையும் நாளுக்கு நாள் அதிகரித்து வருகிறது.

மருத்துவர்கள் கூறும் ஆலோசனை என்னவென்றால் நமது உடலில் நோய் எதிர்ப்பு சக்தி குறையும் பட்சத்தில் எந்தவொரு நோயானாலும் எளிதில் தாக்கும். அந்த வகையில் கொரோனா வைரஸ், நோய் எதிர்ப்பு சக்தி இல்லாத பட்சத்தில் மிகவும் எளிதாக தொற்றிக் கொள்ளும். எனவே நாம் நமது உடலில் நோய் எதிர்ப்பு சக்தியை வளர்த்துக் கொள்வதற்கான வழிகளை தான் பின்பற்ற வேண்டும். தற்போது இந்த பதிவில், நோய் எதிர்ப்பு சக்தியை வளர்த்துக் கொள்ள என்ன செய்ய வேண்டும் என்பது பற்றி பார்ப்போம்.

நோய் எதிர்ப்பு சக்தியை அதிகரிக்க ஆயுர்வேதத்தில் என்னென்ன வைத்தியம் உள்ளது என்பது பற்றி பார்ப்போம். சூடான நீரைப் பருகுதல் நாம் நமது உடலில் நோய் எதிர்ப்பு சக்தியை அதிகரிக்கும். நாள் முழுவதும் வெதுவெதுப்பான நீரை குடிக்க வேண்டும். மேலும் வெதுவெதுப்பான நீரில் ஒரு சிட்டிகை உப்பு, சிறிதளவு மஞ்சள் சேர்த்து குடிப்பது நல்லது.

food spicyஎளிதில் ஜீரணிக்கக் கூடிய உணவுகளை உட்கொள்ள வேண்டும்.  நாம் செய்யக் கூடிய உணவுகளில், சீரகம், கொத்தமல்லி, உலர்ந்த இஞ்சி பூண்டு போன்ற மசாலா பொருட்களை பயன்படுத்தி உணவு தயாரிப்பது நல்லது. இது நோய் எதிர்ப்பு சக்தியை அதிகரிக்க உதவுகிறது.

sleepyநாம் அதிகமாக பகலில் தூங்குவதை விட்டுவிட்டு, இரவு நேரங்களில் கண்டிப்பாக 7-8 மணி நேரம் வரை கண்டிப்பாக தூங்க வேண்டும். தூக்கம் குறையும் பட்சத்தில், நமது உடலில் நோய் எதிர்ப்பாற்றலும் குறையும்.

நாம் பாலைக் குடிக்கும்போது அதில் சிறிதளவு மஞ்சள் சேர்த்து குடித்தால் நமது உடலில் நோய் எதிர்ப்பு சக்தி அதிகரிக்கும். அதாவது அரை டீஸ்பூன் மஞ்சள் தூளை 150 மில்லி சூடான பாலில் கலந்து குடிக்க வேண்டும்.

ஒரு நாளைக்கு ஒரு முறை அல்லது இரண்டு முறை இவ்வாறு குடிக்க வேண்டும். மூலிகைத் தேநீர் அருந்துவதும் நல்லது. துளசி, இலவங்கப்பட்டை, உலர்ந்த இஞ்சி மற்றும் கருப்பு மிளகு ஆகியவற்றை கொண்டு செய்யப்பட்ட காபி அருந்துவது நல்லது.

வாயில் ஒரு டீஸ்பூன் எண்ணெய் அல்லது தேங்காய் எண்ணெயில் போட்டு இரண்டு மூன்று நிமிடங்கள் வாயை சுற்றி அலசிய பின், வெதுவெதுப்பான நீரில் கழுவ வேண்டும். மேலும், வெற்று நீரில், புதினா இலைகள் மற்றும் கற்பூரத்தை சேர்த்து, நீராவி சிகிச்சை மேற்கொள்வது நல்லது.

உண்மையிலேயே மஞ்சள் நோய் எதிர்ப்பு சக்தியை அதிகரிக்குமா? அறிவியல் ரீதியான உண்மையை அறிந்து கொள்ளலாம் வாருங்கள்!

turmeric

உண்மையிலேயே மஞ்சள் நோய் எதிர்ப்பு சக்தியை அதிகரிக்கும் என்பது குறித்து அறிவியல் பூர்வமாக ஆராய்ச்சி செய்யப்பட்டுள்ளது. அதில் மஞ்சளில் குர்குமின் எனும் பாலிபினாலிக் வேதியியல் பொருள் அடங்கியுள்ளதால் அது ஆக்சிஜனேற்ற அழுத்தத்தை கட்டுப்படுத்தி நோயெதிர்ப்பு மண்டலத்தை சீர் அமைக்க உதவுவதாக கண்டறியப்பட்டுள்ளது.

ஆசியாவை தாயகமாகக் கொண்ட ஏழைகளின் குங்குமப்பூ என்று அழைக்கப்படக்கூடிய மிக சக்திவாய்ந்த மற்றும் அதிகளவு பயன்களை கொண்ட ஒன்று தான் மஞ்சள். இந்த மஞ்சளில் குர்குமின் என்னும் பாலிபினாலிக் வேதியல் பொருள் அடங்கி உள்ளதாக அண்மையில் ஆராய்ச்சி ஒன்றில் தெரிவிக்கப்பட்டுள்ளது. இதிலுள்ள குர்குமின் ஆக்சிஜனேற்ற அழுத்தத்தை கட்டுப்படுத்தி, நோய் எதிர்ப்பு மண்டலத்தை சீராக வைத்திருக்க உதவுகிறது. மேலும் இந்த மஞ்சளில் வைட்டமின் ஏ, தயாமின் பி1, ரிபோபிளேவின் மற்றும் வைட்டமின் சி, கால்ஷியம், பாஸ்பரஸ், இரும்பு, சோடியம் மற்றும் பொட்டாசியம் ஆகியவை அடங்கியுள்ளது.

இதன் காரணமாக உடலுக்கு இது மிகவும் நன்மை பயக்கிறது. பல்வேறு நோய்களை கட்டுப்படுத்தவும் நோய்களுக்கு சிகிச்சை அளிக்கவும் பயன்படக்கூடிய ஒரு பொருளாக இது காணப்படுகிறது. மேலும் இந்த மஞ்சள் மூளை மற்றும் அது தொடர்பான நோய்களையும் மன அழுத்த பிரச்சனைகளை போக்கும் ஆற்றல் கொண்டது எனவும் அறிவியல் ஆராய்ச்சி மூலமாக கண்டறியப்பட்டுள்ளது. குறிப்பாக இந்த மஞ்சள் நோய் எதிர்ப்பு சக்தியை அதிகரிக்க உதவுவதாகக் கூறப்படுகிறது. இந்த மஞ்சளில் உள்ள அளவற்ற நன்மைகள் குறித்து சிலவற்றை நாம் அறிந்து கொள்ளலாம் வாருங்கள்.

மஞ்சளின் நன்மைகள்

மஞ்சளில் உள்ள குர்குமின் என்னும் வேதியயல் பொருள் காரணமாக உடலில் ஏற்படக்கூடிய நோய்கள் மற்றும் நோய்களினால் ஏற்படக்கூடிய அழற்சி ஆகியவற்றையும் கிருமிகளையும் எதிர்த்து போராட உதவுகிறது. மேலும் மஞ்சள் உடலில் ஆற்றல் திறனை அதிகரித்து, புற்றுநோய் ஏற்படாமல் தடுக்கிறது. மேலும் மூளையின் செயல்பாடுகளை அதிகரிக்க உதவுவதோடு மூட்டு தொடர்பான பிரச்சினைகள் நீக்கவும் மஞ்சள் உதவுகிறது. மேலும் இரப்பை சிக்கல்களை நீக்கி வயிற்றில் உருவாகக்கூடிய வாயு கோளாறு மற்றும் அஜீரண கோளாறுகளை நீக்க உதவுகிறது. மூச்சுக்குழாய் பிரச்சினைகள் நீக்க உதவுவதுடன், பெரியவர்களுக்கு காச நோயில் இருந்து விடுதலை அளிக்க உதவுகிறது.

மூச்சு குழாய் அழற்சி உள்ளவர்கள் மஞ்சள் தூளை வெதுவெதுப்பான நீரில் சேர்த்து ஒரு நாளைக்கு மூன்று முறை எடுத்துக் கொள்ளும் பொழுது நல்ல பலன் கிடைக்கும். தோல் வலி மற்றும் தோலில் பருக்கள், தொழுநோய் புண்கள் ஆகியவற்றை நீக்க இவை உதவுவதுடன், உட்புற காயங்களை போக்குவதற்கும் நல்ல மருந்தாக பயன்படுகிறது. மேலும் விரலிமஞ்சள் என்று அழைக்கக் கூடிய ஒருவகை மஞ்சளை நல்லெண்ணெய் விளக்கில் சுட்டு அந்த புகையை மூக்கின் வழியாக உள்ளே இழுக்கும் பொழுது குழந்தைகளுக்கான மூக்கடைப்பு நீங்கும்.

வெட்டுக் காயத்தை குணப்படுத்த உதவுவதுடன், கண் வலி இருப்பவர்களுக்கு சுத்தமான நீரில் மஞ்சள் சேர்த்துக் கொதிக்க வைத்து வடிகட்டிய நீரில் துணியை நனைத்து கண்களின் மேல் தடவிக் கொள்ளும் பொழுது கண் வலியும் குறையும். இவ்வளவு நன்மைகள் கொண்ட மஞ்சள் முழு உடலிலும் காணப்படக்கூடிய அனைத்து நோய்களுக்கும் எதிரான சக்தியாக பயன்படுகிறது.

கொரோனா தொற்றிலிருந்து நீங்கள் பாதுகாக்கப்பட இந்த ஜூஸ் குடிங்க….!

உடலில் நோய் எதிர்ப்பு சக்தியை அதிகரிக்க கூடிய பீட்ரூட் ஸ்மூத்தி செய்வது எப்படி?

இன்று நாடெங்கும் கொரோனா வைராஸ் தீவிரமாக பரவி வருகிறது. அந்த வகையில் இந்தியாவில் கொரோனா வைரசின் இரண்டாம் அலை கட்டுக்கடங்காமல் பரவி வருகிறது. கொரோனா தொற்றால் பாதிக்கப்பட்டவர்கள் ஆக்சிஜன் அளவு வெகுவாக குறைகிறது. எனவே ஆரோக்கியமான உணவை பின்பற்றி, வெதுவெதுப்பான நீரைக் குடிப்பதன் மூலம் நமது நோய் எதிர்ப்பு சக்தியை வலுப்படுத்த முடியும். மேலும் இதயம் மற்றும் நுரையீரலை ஆரோக்கியமாக கவனித்துக் கொள்வது மிகவும் அவசியமாகும்.

இந்நிலையில் நொய்டாவை சேர்ந்த உணவியல் நிபுணர் சயனிகா ஷர்மா கொரோனாவை எதிர்த்து போராட, நமது உடலில் நோய் எதிர்ப்பு சக்தியை  அதிகரிக்க செய்ய  பீட்ரூட் ஸ்முத்தி குடிக்குமாறு அறிவுறுத்தியுள்ளார். இதனை எப்படி செய்வது என்று பார்ப்போம். இதன் மூலம் ரத்த ஓட்டம் சரியாக அமைவதுடன், ஆக்சிஜன் அளவு அதிகரிக்க உதவுகிறது.

தேவையானவை

  • பீட்ரூட் – 1
  • தக்காளி – 2
  • எலுமிச்சை – 1

செய்முறை

முதலில் ஒரு பீட்ரூட்டை சிறிய துண்டுகளாக கழுவி, சிறிய துண்டுகளாக வெட்ட வேண்டும். பின் 2 தக்காளியை எடுத்து அதனையும் சிறிய துண்டுகளாக வெட்டி பீட்ரூட் மற்றும் தக்காளி இரண்டையும் மிக்ஸியில் போட்டு நன்றாக மிருதுவாக அரைத்துக் கொள்ள வேண்டும். அதனை ஒரு கிளாஸில் ஊற்றி அதில் சிறிது எலுமிச்சை சாறு சேர்த்து கிளறவேண்டும். இப்போது சத்தான சுவையான பீட்ரூட்  ஸ்முத்தி தயார்.

நன்மைகள்

பீட்ரூட் அலர்ஜி எதிர்ப்பு பானம் மற்றும் இயற்கையாகவே இரத்த அழுத்தத்தை குறைக்கக் கூடியது ஆகும். இது விளையாட்டு வீரர்களுக்கு ஒரு சிறந்த பானமாகும். நோய் எதிர்ப்பு சக்தி அதிகரிக்க உதவுகிறது. பீட்ரூட்டில் பைபர், போலேட், மாங்கனீசு, பொட்டாசியம், இரும்பு மற்றும் வைட்டமின் சி ஆகிய சத்துக்கள் உள்ளது. மேலும் இது இரத்த ஓட்டத்தை மேம்படுத்த உதவுகிறது. தக்காளியில் பொட்டாசியம் வைட்டமின் பி மற்றும் ஈ மற்றும் பிற ஊட்டச் சத்துக்கள் உள்ளது. இது நமது செல்கள் சேதமடைவதிலிருந்து பாதுகாக்கிறது.

இந்தியாவில் புதிய கொரோனா வைரஸ் கண்டுபிடிப்பு…! நோய் எதிர்ப்பு சக்தியை தாண்டி தாக்குமா…?

coronavirus

இந்தியாவில் நோய் எதிர்ப்பு சக்திக்கு தப்பிக்கும் திறன்கொண்ட புதிய உருமாறிய கொரோனா வைரஸ் கண்டுபிடிப்பு.

இந்தியாவில் கொரோனா வைரஸால் பாதிக்கப்படுபவர்கள் எண்ணிக்கை நாளுக்கு நாள் அதிகரித்து வரும் நிலையில், இதனை கட்டுப்படுத்த மத்திய மாநில அரசுகள் தீவிர முன்னெச்சரிக்கை நடவடிக்கைகளை மேற்கொண்டு வருகிறது. இந்நிலையில் இந்தியாவில் அனைத்து மாநிலங்களிலும் தடுப்பூசி போடும் பணிகள் தீவிரப்படுத்தப்பட்டு வரும் நிலையில், அவற்றின் தாக்கம் அதிகரித்து வருவதால் பல புதிய கட்டுப்பாடுகளை அரசு விதித்துள்ளது.

இந்நிலையில் இரட்டை பிரிவு கொண்ட உருமாறிய கொரோனா வைரஸை ஆய்வாளர்கள் கண்டுபிடித்துள்ளனர். இந்த வைரஸானது நோய் எதிர்ப்பு சக்திக்கு தப்பிக்கும் திறன் கொண்டதாகும். இந்த புதிய வைரஸானது ‘பி.1.618’ என அழைக்கப்படுகிறது. இந்த வைரஸ் பிறழ்வு வைரஸ் என்று அழைக்கப்படும், ‘பி.1.617’ என்ற வைரஸில் இருந்து மாறுபட்டதாகும்.

இந்த வைரஸ் குறித்து டெல்லி சி.எஸ்.ஐ.ஆர்.மரபணு மற்றும் ஒருங்கிணைந்த உயிரியல் நிறுவனத்தின் இயக்குனர் அனுராக் அகர்வால் கூறுகையில், ‘இந்த வைரஸை கண்டு அலறவேண்டாம். நிலையான பொது சுகாதார பாதுகாப்பு நடவடிக்கைகளை பின்பற்றுவது போதுமானது’ என தெரிவித்துள்ளார். மேலும், இந்த வைரஸ் ஆனது முதன்மையாக இந்தியாவில் காணப்பட்டாலும், இது அமெரிக்கா சிங்கப்பூர் சுவிட்சர்லாந்து மற்றும் பின்லாந்து ஆகிய நாடுகளிலும் கண்டறியப்பட்டுள்ளது குறிப்பிடத்தக்கது