பட்டாசுத் தொழிலை பாதுகாக்கக் கோரியும், சுற்றுச்சூழல் விதியிலிருந்து விலக்கு அளிக்க கோரியும் ஒரு நாள் உண்ணாவிரதப் போராட்டம் நடைபெற்றது. பட்டாசு வெடிப்பதால் சுற்றுப்புற சூழல் மாசு அடைவதாக உச்சநீதிமன்றத்தில் பொதுநல வழக்கு தொடரப்பட்டது. இவ்வழக்கை விசாரித்த உச்சநீதிமன்றம் பட்டாசு வெடிக்கவும், பட்டாசு உற்பத்தி செய்யவும் பல்வேறு கட்டுப்பாடுகளை விதித்தது. பேரியம் பயன்படுத்த தடை உள்ளதால் 60 சதவீத பட்டாசு தயாரிக்க முடியாமல் போனது. இதனால் பட்டாசு தொழிலை நம்பியுள்ள தொழிலாளர்கள் தங்கள் வாழ்வாதாரங்களை இழந்து தவித்துவருவதாக கூறுகின்றனர். […]

சுற்றுச்சூழல் விதிகளில் இருந்து விலக்கு அளிக்கக் கோரி சிவகாசி பட்டாசு ஆலை உரிமையாளர்கள் 19வது நாளாக வேலைநிறுத்தப் போராட்டத்தை நடத்தி வருகின்றனர். இதனால் சிவகாசி பட்டாசு தொழிலாளர்கள் வேலையில்லாமல் தவிக்கின்றனர்.