Categories
India Top stories

கார்பேவாக்ஸ் பூஸ்டர் டோஸ் இன்று முதல் தடுப்பூசி மையங்களில்!

கார்பேவாக்ஸ் பூஸ்டர் டோஸ் இன்று முதல் தடுப்பூசி மையங்களில் கிடைக்கும் என அறிவிப்பு.

கோவாக்சின் அல்லது கோவிஷீல்டு தடுப்பூசியை இரு தவணையாக செலுத்திக்கொண்ட  18 வயதுக்கு மேற்பட்டவர்களுக்கு முன்னெச்சரிக்கை மருந்தாக (பூஸ்டர் டோஸாக) Biological E’s-யின் கோர்பவேக்ஸ் (Corbevax) தடுப்பூசியை செலுத்த மத்திய அரசு அனுமதி அளித்திருந்தது. இந்த நிலையில், நாடு முழுவதும் உள்ள அனைத்து அரசு மற்றும் தனியார் தடுப்பூசி மையங்களில்  கார்பேவாக்ஸ் பூஸ்டர் டோஸ் இன்று முதல் கிடைக்கும் என தயாரிப்பு நிறுவனம் சார்பில் அறிவிக்கப்பட்டுள்ளது.

18 வயதுக்கு மேற்பட்டவர்களுக்கு கோவாக்சின் அல்லது கோவிஷீல்டு தடுப்பூசிகளின் இரண்டாவது டோஸ் செலுத்தப்பட்ட நாளிலிருந்து ஆறு மாதங்கள் அல்லது 26 வாரங்கள் முடிந்த பிறகு, Corbevax பூஸ்டர் டோஸ் செலுத்துக்கொள்ளலாம் என கூறப்பட்டுள்ளது. ஐதராபாத்தை சேர்ந்த பயோலாஜிக்கல் இ லிமிடெட் நிறுவனம் கார்பேவாக்ஸ் மருந்தை கண்டுபிடித்துள்ளது. பொது பயன்பாட்டுக்காக இதுவரை 10 கோடி டோஸ்களை இந்நிறுவனம் மத்திய அரசிடம் வழங்கியுள்ளது.

கார்பேவாக்ஸ் பூஸ்டர் டோஸ் தடுப்பூசி, கொரோனா பூஸ்டர் டோஸாக அங்கீகரிக்கப்பட்ட முதல் இந்திய தடுப்பூசியாகும். தனியார் கொரோனா தடுப்பூசி மையங்களுக்கான கார்பேவாக்ஸ்-யின் விலை சரக்கு மற்றும் விற்பனை வரி உட்பட ரூ.250 என்றும் இறுதிப் பயனருக்கு, தடுப்பூசியின் விலை வரிகள் மற்றும் நிர்வாகக் கட்டணங்கள் உட்பட ரூ.400 எனவும் தெரிவிக்கப்பட்டுள்ளது.

Categories
India Top stories

#BREAKING: Corbevax பூஸ்டர் தடுப்பூசிக்கு மத்திய அரசு ஒப்புதல்!

18 வயது மேற்பட்டோருக்கு கோர்பவேக்ஸ் பூஸ்டர் கொரோனா தடுப்பூசி செலுத்த மத்திய அரசு ஒப்புதல்.

கோவாக்சின் அல்லது கோவிஷீல்டு மூலம் முழுமையாக தடுப்பூசி போடப்பட்ட 18 வயதுக்கு மேற்பட்டவர்களுக்கு முன்னெச்சரிக்கை மருந்தாக Biological E’s-யின் கோர்பவேக்ஸ் (Corbevax) பூஸ்டர் தடுப்பூசிக்கு மத்திய அரசு ஒப்புதல் அளித்துள்ளது. கொரோனா தொற்றுக்கு எதிரான முதன்மை தடுப்பூசிக்கு பயன்படுத்தப்படும் மருந்திலிருந்து வேறுபட்ட பூஸ்டர் டோஸ் நாட்டில் அனுமதிக்கப்படுவது இதுவே முதல் முறை. கோவாக்சின் அல்லது கோவிஷீல்டு தடுப்பூசி போட்டவர்களுக்கு பூஸ்டர் தடுப்பூசியாக கோர்பவேக்ஸ் செலுத்த ஒப்புதல் அளிக்கப்பட்டுள்ளது.

நோய்த் தடுப்புக்கான தேசிய தொழில்நுட்ப ஆலோசனைக் குழுவின் (என்.டி.ஏ.ஜி.ஐ) கொரோனா பணிக்குழு சமீபத்தில் அளித்த பரிந்துரைகளின் அடிப்படையில் Corbevax பூஸ்டர் தடுப்பூசிக்கு மத்திய சுகாதார அமைச்சகம் ஒப்புதல் அளிக்கப்பட்டுள்ளது. 18 வயதுக்கு மேற்பட்டவர்களுக்கு Covaxin அல்லது Covishield தடுப்பூசிகளின் இரண்டாவது டோஸ் செலுத்தப்பட்ட நாளிலிருந்து ஆறு மாதங்கள் அல்லது 26 வாரங்கள் முடிந்த பிறகு, Corbevax ஒரு முன்னெச்சரிக்கை மருந்தாகக் கருதப்படும்.

கோவாக்சின் மற்றும் கோவிஷீல்டு தடுப்பூசியின் ஒரே மாதிரியான முன்னெச்சரிக்கை டோஸ் நிர்வாகத்திற்கான தற்போதைய வழிகாட்டுதல்களுடன் இது கூடுதலாக இருக்கும். Corbevax தடுப்பூசியின் முன்னெச்சரிக்கை மருந்தின் நிர்வாகம் தொடர்பாக தேவையான அனைத்து மாற்றங்களும் Co-WIN போர்ட்டலில் செய்யப்படுகின்றன. இந்தியாவின் முதல் உள்நாட்டிலேயே உருவாக்கப்பட்ட RBD புரத சப்யூனிட் தடுப்பூசி Corbevax தற்போது கொரோனா நோய்த் தடுப்பு திட்டத்தின் கீழ் 12 முதல் 14 வயது வரையிலான குழந்தைகளுக்கு தடுப்பூசி போட பயன்படுத்தப்படுகிறது.

Corbevax தடுப்பூசியானது, கோவாக்சின் அல்லது கோவிஷீல்டு தடுப்பூசி செலுத்தியவர்களுக்கு கொடுக்கப்படும் போது, ​​ஆன்டிபாடி டைட்டர்களில் குறிப்பிடத்தக்க அதிகரிப்புக்கு தூண்டும் என்று கண்டறியப்பட்டுள்ளது. 18 வயது மற்றும் அதற்கு மேற்பட்டவர்களுக்கு முன்னெச்சரிக்கை மருந்தாக Corbevax மருந்தை ஜூன் 4 அன்று இந்திய மருந்துக் கட்டுப்பாட்டாளர் ஜெனரல் (DCGI) அங்கீகரித்தார். அதன்படி, ஜனவரி 10 முதல் சுகாதார மற்றும் முன்னணி பணியாளர்கள் மற்றும் 60 வயதிற்கு மேற்பட்டவரக்ளுக்கு தடுப்பூசிகளை வழங்கத் தொடங்கியது.