இந்தியாவை பிளவுபடுத்தும் அரசியல் இன்று நடக்கிறது… இசை நிகழ்ச்சியில் ஏ.ஆர்.ரகுமான் பளீர் தாக்கு…

ஏகம் சாட் ஒற்றுமை இசை நிகழ்ச்சி என்ற  50 வது சிம்பொனி இசை நிகழ்ச்சியில் ஆஸ்கர் புகழ் பிரபல இசையமைப்பாளர் ஏ.ஆர்.ரகுமான் மற்றும் அமேயா டப்ளி ஆகியோர் பங்கேற்றனர். இந்நிலையில் இசையமைப்பாளர் ஏ.ஆர் ரஹ்மானிடம் பிரிவினை அரசியல் குறித்து கேள்வி ஒரு கேட்கப்பட்டது. அதற்கு பதில் அளித்த அவர், “இந்தியாவில் இன்றைக்கு மக்கள் சரியான திசையில் சென்று கொண்டு இருக்கிறார்கள். ‘ஒற்றுமை’ என்று நீங்கள் கூறும்போது, ‘நீங்கள் என்ன ஒற்றுமையைப் பற்றி பேசுகிறீர்கள்?’ பிளவுபடுத்தும் அரசியல் நிறைய நடப்பதால், பிளவுபடுத்தும் மனநிலையே இங்கு நீடிக்கிறது. ஆனாலும் இறுதியில் மனிதர்களாகிய நாம் இங்கு  ஒற்றுமைக்காக கடுமையாக உழைக்கிறோம், இந்தியாவில் ஒற்றுமையின் காரணமாக  அமைதியைக் காண்கிறோம், நாம் அனைவரும் நம்பிக்கையையும், அறிவையும் பகிர்வதில்தான் அமைதி கொள்கிறோம். பள்ளிக் குழந்தைகளை உதாரணமாக  எடுத்துக்கொள்ளலாம். சொன்ன விஷயத்தை திரும்பவும் அவர்களிடத்தில் சொன்னால், ஏற்கனவே சொன்னதை நீங்கள் சொல்லவேண்டாம் என்று நம்மிடம் பதில் அளிப்பார்கள். உண்மையை அவரவர்களே அறிந்துகொள்ளவேண்டும். அதுதான் சிறந்த விஷயமாக இருக்கும் என்று கூறியுள்ளார்.

 

வரலாற்றில் இன்று(06.01.2020)… இசைபுயல் ஏ.ஆர்.ரகுமான் பிறந்த தினம்..

இசை ஜாம்பவான் என அழைக்கப்படும் அல்லா இரக்கா இரகுமான் எனப்படும் ஏ.ஆர். ரகுமான் அவதரித்த தினம் இன்று.

பிறப்பு:

இவர் ஜனவரி மாதம்  6ம் நாள் , 1966 ம் ஆண்டு பிறந்தார். அருணாச்சலம் சேகர் திலீப் குமார் என்பது  இவரது இயற்பெயர் ஆகும்.

இசை பயணம்: 

புகழ் பெற்ற இந்தியத் திரைப்பட இசையமைப்பாளரான இவர், இயக்குனர் மணிரத்தினம் இயக்கத்தில் வெளிவந்த ரோஜா என்ற  திரைப்படத்தின் மூலம் இந்திய சினிமாவிற்க்கு  இசையமைப்பாளராக அறிமுகமானார். மேலும் இவர்,  இந்தி, தமிழ், ஆங்கிலம் போன்ற பல மொழித் திரைப்படங்களுக்கு இசையமைத்த இவர் இசைப்புயல் என அழைக்கப்படுகிறார்.

இவரின் சாதனைகள்:

இவர் இசைதுறையில் சிறந்து விளங்கியதற்காக இவருக்கு, ஆஸ்கார் விருது, கோல்டன் குளோப் விருது , பாஃப்டா விருது , தேசியத் திரைப்பட விருது போன்ற புகழ் பெற்ற விருதுகளைப் பெற்றார். மேலும் இவர்  ஹாலிவுட் திரைப்படமான ஸ்லம் டாக் மில்லியனியர் என்ற ஆங்கில ஹாலிவுட்  திரைப்படத்திற்கு இசையமைத்தமைக்காக ஆஸ்கார் விருதுகளை வென்றார் என்பது குறிப்பிடத்தக்கது. மேலும் இதே திரைப்பட இசைக்காக இவருக்கு 2008 ஆம் ஆண்டுக்கான கோல்டன் குளோப் விருதும் , பாஃப்டா விருதும் கிடைத்தன. இவ்விரு விருதுகளைப் பெற்ற முதலாவது இந்தியரும் இவரேயாவார் ஆவர். இவருக்கு 2010-ஆம் ஆண்டில் இந்திய அரசின் உயரிய விருதுகளுள் ஒன்றான பத்ம பூசண் விருது வழங்கப்பட்டது. இவரின் இசை திறனை பாராட்டி இவரை  ஆசியாவின் மொசார்ட் என்றும் இவர் அழைக்கப்படுகிறார்.