உலககோப்பை துப்பாக்கி சுடுதல் போட்டி: 2வது தங்கத்தை உறுதி செய்த இந்தியா ..!

எகிப்து தலைநகர் கெய்ரோவில் நடந்து வரும் ISSF உலக துப்பாக்கி சுடுதல் போட்டி நடந்து வருகிறது.  இதில், பெண்களுக்கான 10 மீட்டர் ஏர் பிஸ்டல் பிரிவில் ஈஷா சிங், பி நிவேதா மற்றும் ருச்சிதா வினர்கர் ஆகியோர் வெற்றி பெற்றதைத் தொடர்ந்து இந்தியா இரண்டாவது தங்கப் பதக்கத்தை வென்றது.

இந்த மூவரும் ஜெர்மனியின் ஆண்ட்ரியா கத்தரினா ஹெக்னர், சாண்ட்ரா ரீட்ஸ், கரினா விம்மர் ஜோடியை 16-6 என்ற கணக்கில் வீழ்த்தி பதக்கம் வென்றனர்.  முன்னதாக, ஆண்களுக்கான 10 மீட்டர் ஏர் பிஸ்டல் பிரிவில் 19 வயதான சௌரப் சவுத்ரி தங்கம் வென்றார். தற்போதைய நிலையில் இப்போட்டியில் இந்தியா 2 தங்கம், 1 வெள்ளி என 3 பதக்கங்களுடன் பட்டியலில் முதலிடத்தில் உள்ளது.