கால்பந்து விளையாட்டின் போது பரிதாபம் – மின்னல் விழுந்து 2 பேர் பலி, 21 பேர் காயம்!!

ஒடிசாவில் உள்ளூர் கால்பந்து போட்டியின் போது மின்னல் தாக்கியதில் 2 பேர் பலி, மற்றும் 21 பேர் காயமடைந்துள்ளனர்.

ஒடிஷாவின் சுந்தர்கர் மாவட்டத்தில் உள்ள பனீலாட்டாவில் நடைபெற்ற உள்ளூர் கால்பந்து விளையாட்டு போட்டியின் போது மின்னல் தாக்கியதில் 2 பேர் உயிரிழந்துள்ளனர், உயிரிழந்தவர்களின் ஒருவர் கால்பந்து வீரர் என்பது குறிப்பிடத்தக்கது.மேலும் 21 பேர் காயமடைந்துள்ளதாக தகவல் வெளியாகியுள்ளது. பார்வையாளர்களில் பெரும்பாலானோர் காயமடைந்துள்ளனர்.

போலீசார் இது குறித்து பேசும் போது காயமடைந்தவர்கள் ரூர்கேலா மருத்துவமனையில் சிகிச்சை பெற்று வருவதாக தெரிவித்தனர். மேலும் சம்பவதிற்கு முன் வானம் தெளிவாக இருந்தது, மழை வருவதற்கான அறிகுறியே இல்லை என்றும் திடீரென்று மின்னல் தாக்கியுள்ளது என்று போலீசார் தெரிவித்தனர்.