9 போட்டியிலும் வெற்றி பெற்று மற்ற அணிகளை வியக்க வைத்த தமிழ்நாடு அணி ..!

நேற்று நடந்த விஜய் ஹசாரே போட்டியில் குஜராத் அணியும் , தமிழ்நாடு அணியும் மோதியது. இப்போட்டியில் குஜராத் அணி பந்து வீச முடிவு செய்தது.அதன் படி முதலில் இறங்கிய தமிழ்நாடு அணி 50 ஓவர் முடிவில் 9 விக்கெட் இழந்து 274 ரன்கள் எடுத்தது.
இதில் அதிகபட்சமாக முரளிவிஜய் 94 ரன்கள் அடித்தார் அபிநவ் முகுந்த் 79 ரன்கள் அடித்தார். குஜராத் அணி சார்பில் ரூஷ் கலரியா, அர்சான் இருவரும் தலா 3 விக்கெட் எடுத்தனர். பின்னர் 275 ரன்கள் இலக்குடன் இறங்கிய குஜராத் அணி 42.2 ஒவரில் அனைத்து விக்கெட்டையும் இழந்து 196 ரன்கள் மட்டுமே எடுத்ததால் தமிழ்நாடு அணி 78 ரன்கள் வித்தியாசத்தில் வெற்றி பெற்றது.
இதன் மூலம் விஜய் ஹசாரே தொடரில்  தமிழ்நாடு அணி விளையாடிய அனைத்து போட்டிகளிலும் வெற்றி பெற்று உள்ளது.தமிழ்நாடு அணி இதுவரை ஒன்பது போட்டிகளில் விளையாடி உள்ளது.குஜராத் அணி 9 விளையாடி 8 போட்டிகளில் வெற்றி பெற்று உள்ளது.இந்த தொடரில் குஜராத் அணி தமிழ்நாடு அணியிடம் தான் தனது முதல் தோல்வியை சந்தித்து உள்ளது என்பது குறிப்பிடத்தக்கது.