SwissOpen2022:சாம்பியன் பட்டம் வென்ற பிவி சிந்து – வாழ்த்திய பிரதமர் மோடி!

ஸ்விஸ் ஓபன் பேட்மிண்டன் சாம்பியன் பட்டத்தை இந்தியாவின் பிவி சிந்து வென்றார்.

ஸ்விட்சர்லாந்தில் நேற்று (ஞாயிற்றுக்கிழமை) நடைபெற்ற சுவிஸ் ஓபன் பேட்மிண்டன் மகளிர் பிரிவு ஒற்றையர் போட்டியில் இந்தியாவின் பிவி சிந்து,தாய்லாந்தின் புசானன் ஒங்பாம்ருங்பானை எதிர்கொண்டார். ஒலிம்பிக்கில் இரட்டைப் பதக்கம் வென்ற சிந்து 49 நிமிடங்களில் 21-16, 21-8 என்ற செட் கணக்கில் புசானனை வீழ்த்தி வெற்றி பெற்றுள்ளார்.

தாய்லாந்து வீராங்கனை பூசானனுடன் 17 முறை மோதியுள்ள சிந்து அதில் 16 முறை வெற்றியை மட்டுமே பெற்றுள்ளார்.எனினும்,2019 ஆம் ஆண்டு ஹாங்காங் ஓபனில் மட்டும் சிந்து தோல்வி அடைந்துள்ளார்.

இதனைத் தொடர்ந்து,2022 ஆம் ஆண்டு சுவிஸ் ஓபன் பட்டத்தை வென்ற பிவி சிந்துவுக்கு வாழ்த்துக்கள் என்றும்,அவரது சாதனைகள் இந்திய இளைஞர்களை ஊக்கப்படுத்துகின்றன.அவருடைய எதிர்கால முயற்சிகளுக்கு மனமார்ந்த வாழ்த்துக்கள் என்றும் பிரதமர் மோடி பாராட்டியுள்ளார்.

மேலும்,பலரும் பிவி சிந்துவுக்கு வாழ்த்துக்கள் தெரிவித்துள்ளனர்.இதற்கு முன்னதாக இந்த ஆண்டு ஜனவரி மாதம் லக்னோவில் நடந்த சையத் மோடி இன்டர்நேஷனல் போட்டியில் சிந்து சாம்பியன் பட்டம் வென்றார் என்பது குறிப்பிடத்தக்கது.