தென்ஆப்பிரிக்கா தொடக்க வீரர் டீன் எல்கர் அபார சதம்..!

இந்தியா , தென்ஆப்பிரிக்கா இடையே முதல் டெஸ்ட் போட்டி விசாகப்பட்டினத்தில் நடைபெற்று வருகிறது. இதில் முதலில் பேட்டிங் செய்த இந்திய அணி 7 விக்கெட் பறிகொடுத்து 502 ரன்கள் எடுத்த நிலையில் இந்திய அணி டிக்ளேர் செய்தது.  இதில் அதிகபட்சமாக ரோகித் 176 ரன்னும் , மயங்க் அகர்வால் 215 ரன்கள் அடித்தனர்.
இதை தொடர்ந்து நேற்று தனது முதல் இன்னிங்சை தொடங்கி தென் ஆப்பிரிக்க அணி நேற்றைய இரண்டாம் நாள் ஆட்ட முடிவில் 39 ரன்களுக்கு 3 விக்கெட்டை பறிகொடுத்து இருந்தது. இந்நிலையில் இன்று மூன்றாம் நாள் ஆட்டத்தை தொடங்கிய தென்னாபிரிக்க அணி ஆட்டம் தொடங்கிய சில நேரத்தில் பவுமா 18 ரன்களுடன் வெளியேறினார்.
இதையடுத்து கேப்டன் டு பிளெஸ்ஸிஸ் தொடக்க வீரர் எல்கருர் இருவரும் நிதானமாக ஆடி அணியின் எண்ணிக்கை உயர்த்தினார்.  சிறப்பாக விளையாடிய டு பிளெஸ்ஸிஸ் அரைசதம் அடித்து 55 வெளியேறினார்.
பின்னர் தொடர்ந்து விளையாடி வந்த எல்கருர் 175 பந்தில் சதம் அடித்தார். இது இவர் டெஸ்ட் போட்டியில் அடித்த 12வது சதம் ஆகும்.தென்ஆப்பிரிக்கா அணி 5 விக்கெட்டை இழந்து 291 ரன்கள் அடித்து உள்ளது.