உமேஷ் ,அஸ்வின் அபார பந்து வீச்சில் 275 ரன்னில் சுருண்ட தென் ஆப்பிரிக்கா..!

இந்தியா, தென் ஆப்பிரிக்கா இடையே புனேவில் இரண்டாவது டெஸ்ட் போட்டி நடைபெற்று வருகிறது. முதலில் களமிறங்கிய இந்திய அணி 5 விக்கெட்டை இழந்து 601 ரன்கள் எடுத்த போது டிக்ளேர் செய்தது.இதில் இதில் அதிகபட்சமாக கேப்டன் கோலி 254* , மயங்க் அகர்வால் 108 ரன்கள் எடுத்தனர்.
பின்னர் தனது முதல் இன்னிங்சை தொடங்கிய தென் ஆப்பிரிக்க அணி ஆட்டம் தொடக்கத்திலேயே விக்கெட்டை இழந்தது. இதில் டீன் எல்டர் 6 , புவுமா  8  மற்றும் மார்க்ரம் ரன் எடுக்காமலும் வெளியேறினர்.

திணறி வந்த தென்னாபிரிக்கா அணியை கேப்டன் டு பிளெசிஸ் மீட்டு வந்தார்.பின்னர் இறங்கிய அனைத்து வீர்ரகளும் சொற்ப ரன்களில் வெளியேறினர்.பிறகு 9-வது விக்கெட்டிற்கு நிதானமாக விளையாடிய மகாராஜ் 72 ரன்கள் குவித்தார்.இறுதியாக தென்னாபிரிக்கா 105.5 ஓவர் முடிவில் அனைத்து விக்கெட்டையும் இழந்து 275 ரன்கள் மட்டுமே எடுத்தது.
அதிகபட்சமாக டு பிளெசிஸ் 64 , மகாராஜ் 72 ரன்கள் எடுத்தனர்.இந்திய அணி சார்பில் உமேஷ் யாதவ் 3 ,அஸ்வின்  4 விக்கெட்டையும் பறித்தனர்.இந்திய அணி 326 ரன்கள் முன்னிலை உடன் உள்ளது.