ஆஸ்திரேலியாவில் நடைபெற உள்ள போட்டிக்கு பயிற்சியாளராக சச்சின் நியமனம் .!

• பிப்ரவரி 8-ம் தேதி சனிக்கிழமை அன்று “புஷ் ஃபையர் பேஷ்” என்ற பெயரில் கிரிக்கெட் போட்டி நடைபெற உள்ளது.
• இப்போட்டியில் ரிக்கி பாண்டிங் அணிக்கு பயிற்சியாளர்களாக சச்சின் தெண்டுல்கர் நியமிக்கப்பட்டு உள்ளார்.

ஆஸ்திரேலியாவில் ஏற்பட்ட காட்டுத்தீ பாதிப்புக்கு நிவாரண நிதி திரட்டும் நோக்கில் வருகின்ற பிப்ரவரி 8-ம் தேதி சனிக்கிழமை அன்று “புஷ் ஃபையர் பேஷ்” என்ற பெயரில் கிரிக்கெட் போட்டி நடைபெற உள்ளது.இந்த போட்டியில் ஆஸ்திரேலிய அணியின் முன்னாள் கேப்டன்களான ஷேன் வார்னே, ரிக்கி பாண்டிங் ஆகியோர் தலைமையில் இரு அணிகள் விளையாட உள்ளனர்.

இப்போட்டியில் ரிக்கி பாண்டிங் அணிக்கு பயிற்சியாளர்களாக சச்சின் தெண்டுல்கரும் , ஷேன் வார்னே அணிக்கு பயிற்சியாளர்களாக கோர்ட்னி வால்ஷ் நியமிக்கப்பட்டு உள்ளனர். இந்த போட்டியில் கிடைக்கும் நிதிகள் அனைத்தும் மீட்பு பணிக்கு அனுப்பி வைக்கப்படும்.

இந்த போட்டியில் ஓய்வு பெற்ற ஆஸ்திரேலிய வீரர்களான ரிக்கி பாண்டிங், கில் கிறிஸ்ட், பிரெட் லீ, ஜஸ்டின் லேங்கர், மைக்கேல் கிளார்க், ஷேன் வாட்சன் உள்ளிட்ட பல வீரர்கள்  கலந்து கொள்ளவுள்ளனர்.