இந்தியாவில் சதம் அடித்த விக்கெட் கீப்பர் பட்டியலில் இணைந்த குவின்டன் டி காக்..!

இந்தியா , தென்ஆப்பிரிக்கா அணிகள்  3 டெஸ்ட் போட்டிகள் கொண்ட தொடரில் விளையாடி வருகின்றனர்.முதல் டெஸ்ட் போட்டி விசாகப்பட்டினத்தில்  நடைபெற்று வருகிறது. இதில் முதலில் இறங்கிய இந்திய அணி 7 விக்கெட் இழந்து 502 ரன்கள் எடுத்த நிலையில் இந்திய அணி டிக்ளேர் செய்தது. இதில் அதிகபட்சமாக ரோகித் 176 , அகர்வால் 215 ரன்கள் அடித்தனர்.
இதை தொடர்ந்து இரண்டாம் நாள் தனது முதல் இன்னிங்சை தொடங்கிய தென் ஆப்பிரிக்க அணி இரண்டாம் நாள் ஆட்ட முடிவில் 39 ரன்களுக்கு 3 விக்கெட்டை இழந்தது. இந்நிலையில் நேற்று மூன்றாம் நாள் ஆட்டத்தை தொடங்கிய தென்னாபிரிக்க அணி நேற்றைய ஆட்ட முடிவில் 8 விக்கெட்டை இழந்து 385 ரன்கள் குவித்தனர்.

இதில் அதிகபட்சமாக  எல்கர் 160 , குவின்டன் டி காக் 111 ரன்கள் அடித்தார் அதில் 16 பவுண்டரி , 2 சிக்ஸர் அடங்கும் .இதன் மூலம்  இந்தியாவில் டெஸ்ட் போட்டிக்கு சுற்று பயணம் செய்து சதம் அடித்த விக்கெட் கீப்பர் பட்டியலில் குவின்டன் டி காக் இணைந்து உள்ளார். அந்த பட்டியலில் குவின்டன் டி காக் 13 வது இடத்தில் உள்ளார்.