பாராலிம்பிக்ஸ் பேட்மிண்டன்: உலகின் நம்பர் ஒன் வீரரான இந்தியாவின் பிரமோத் பகத் அரையிறுதிக்கு தகுதி…!

டோக்கியோ பாராலிம்பிக்ஸ் பேட்மிண்டன் போட்டியில் பிரமோத் பகத் அரையிறுதிக்கு தகுதிப் பெற்றுள்ளார்.

ஜப்பான் தலைநகர் டோக்கியோவில் மாற்றுத்திறனாளிகளுக்கான 16-வது பாராஒலிம்பிக் போட்டி நடந்து வருகிறது.அதன்படி,இன்று நடைபெற்ற பேட்மிண்டன் ஆண்கள் ஒற்றையர் லீக் ஆட்டம் ஒன்றில் (ஏ பிரிவு) உலகின் நம்பர் ஒன் வீரரான இந்தியாவின் பிரமோத் பகத் 21-10, 21-23, 21-9 என்ற செட் கணக்கில் சக நாட்டவரான மனோஜ் சர்காரை வீழ்த்தினார்.

இந்நிலையில்,தற்போது நடைபெற்ற டோக்கியோ பாராலிம்பிக்ஸ், பேட்மிண்டன் ஆண்கள் ஒற்றையர் பிரிவு எஸ்எல் 3 போட்டியில் இந்தியாவின் பிரமோத் பகத்,உக்ரைனின் ஒலெக்சாண்டர் சைர்கோவை 21-12, 21-9 என்ற கணக்கில் 30 நிமிடங்களுக்குள் தோற்கடித்து,அரையிறுதிக்கு முன்னேறியுள்ளார்.இதனால்,இந்தியாவுக்கு ஒரு பதக்கம் பெறுவதற்கு வாய்ப்பு உள்ளது.

மேலும்,பாரா பேட்மிண்டன் அரையிறுதி மற்றும்  பதக்கப் போட்டிகள் செப்டம்பர் 4 ஆம் தேதி நடைபெறும்.

The semi-finals await! ⏰#IND‘s @PramodBhagat83 is one win away from securing a medal after a 21-12, 21-9 victory over #UKR‘s Oleksandr Chyrkov in #ParaBadminton Men’s Singles SL3! ????#Tokyo2020 #Paralympics pic.twitter.com/Xbwcat9g1X

— #Tokyo2020 for India (@Tokyo2020hi) September 2, 2021

முன்னதாக ,இன்று காலை நடைபெற்ற டோக்கியோ பாராலிம்பிக்ஸ் துடுப்பு படகுபோட்டியில் இந்திய வீராங்கனை பிராச்சி அரையிறுதிக்கு தகுதிப் பெற்றுள்ளார் என்பது குறிப்பிடத்தக்கது.