ரபேல் நடாலை வீழ்த்தி இறுதிப்போட்டிக்கு ஜோகோவிச் முன்னேற்றம்..!

பிரெஞ்ச் ஓபன் டென்னிஸ் போட்டியில் ரபேல் நடாலை வீழ்த்தி ஜோகோவிச் இறுதிப்போட்டிக்கு முன்னேற்றம்.

தற்போது நடந்து வரும் பிரெஞ்ச் ஓபன் டென்னிஸ் போட்டியில் ஆண்கள் ஒற்றையர் பிரிவில் அரையிறுதி போட்டியில் நோவக் ஜோகோவிச்– ரபேல் நடால் மோதினர். முதல் சுற்றில் 6-3 என்ற செட் கணக்கில் நடால் முன்னிலை இருந்தார்.

2-வது சுற்றில் ஜோகோவிச் 6-3 என்ற கணக்கிலும், 3-வது சுற்றை 7-6 என்ற கணக்கிலும் வென்றார். பின்னர், நடைபெற்ற நான்காவது சுற்றில் 6-2 என்ற கணக்கில் வென்றார். இதனால், ரபேல் நடாலை வீழ்த்தி ஜோகோவிச் இறுதிப்போட்டிக்கு சென்றார்.

சுமார் 4 மணி நேரம் 10 நிமிடங்கள் இப்போட்டி நடைபெற்றது. பிரெஞ்சு ஓபன் இறுதிப்போட்டிக்கு 6-வது முறையாக ஜோகோவிச் சென்றுள்ளார். நாளை நடைபெறும் இறுதிப்போட்டியில் ஸ்டீபனோஸ் சிட்ஸிபாஸை மற்றும் நோவக் ஜோகோவிச் மோதுகின்றனர்.