நார்வே செஸ் : பிரக்ஞானந்தாவை பின்னுக்கு தள்ளிய நகமுரா ! 4-வது சுற்றில் அதிர்ச்சி தோல்வி!

நார்வே செஸ் : இந்த ஆண்டின் நார்வே செஸ் தொடரின் 3 சுற்றில் சிறப்பாக விளையாடிய பிரக்ஞானந்தா 4வது சுற்றில் அமெரிக்க செஸ் ஜாம்பவானான ஹிக்காரு நகமுராவை எதிர்கொண்டார். இந்த போட்டியில் நகமுரா தொடக்கம் முதலே சிறப்பாக விளையாடி, பிரக்ஞானந்தாவுக்கு நெருக்கடி கொடுத்தார்.

இறுதியில், நேரம் முடிவடையும் நிலையில் பிரக்ஞானந்தா தவறு செய்தார் அதை சரியாக பயன்படுத்தி நகமுரா வெற்றி பெற்றார். இந்த வெற்றியின் மூலம் ஹிக்காரு நகமுரா 7 புள்ளிகள் பெற்று புள்ளிப்பட்டியலில் முதலிடத்தில் உள்ளார்.

மேலும், முதல் போட்டியில் வெற்றி கண்டு, பிறகு டிங் லிரினுடன் தோல்வி கண்ட பிரக்ஞானந்தா, 3-வது சுற்றில் கார்ல்சனை கிளாசிக்கல் முறையில் முதல் முறையாக வெற்றி பெற்றிருந்தார். இதனால் புள்ளிப்பட்டியலில் முதலிடத்தில் இருந்தார்.

தற்போது, இந்த தோல்வியின் மூலம் புள்ளிபட்டியலில் 5.5 புள்ளிகள் பெற்று 4-வது இடத்தில் இருக்கிறார். நார்வே செஸ் தொடரின் 6-வது சுற்று இன்று நடைபெற உள்ளது. இதில் தமிழக செஸ் வீரரான பிரக்ஞானந்தா, இத்தாலி நாட்டின் செஸ் வீரரான பாபியானோ கரோனாவுடன் மோத இருக்கிறார் என்பது குறிப்பிடத்தக்கது.