ஆக்சன் கிங்கிற்கே டஃப் கொடுத்த கெவின் பீட்டர்சன்.! இணையத்தில் வைரலாகும் ஒட்டகத்த கட்டிக்கோ.!

by பாலா கலியமூர்த்திPosted on May 11, 2020

இங்கிலாந்து கிரிக்கெட் வீரர் கெவின் பீட்டர்சன் தமிழ் பாடல் ஒன்றுக்கு நடனமாடி டிக்டாக் செய்துள்ளார். இந்த வீடியோ தற்போது இணையத்தில் வைரலாக மாறியுள்ளது.

உலக முழுவதும் பரவி இருக்கும் கொரோனா வைரஸ் காரணமாக ஊரடங்கு உத்தரவு அமல்படுத்தப்பட்டுள்ளது. இதனால் மக்கள் அனைவரும் வீட்டிலேயே பாதுகாப்பாக முடங்கியிருக்கும் சூழல் நிலவியுள்ளது. மேலும், வீட்டிலே முடங்கியிருக்கும் பிரபலங்கள் உடற்பயிற்சி செய்வது, வீட்டு வேலைகள் செய்வது, டான்ஸ் ஆடுவது, பாடல் பாடுவது என பல வீடியோக்களை பதிவு செய்து வருகின்றனர். இதில், திரைப்பிரபலங்கள் தவிர்த்து கிரிக்கெட் வீரர்களும் சமூக ஊடகங்களில் ஆக்ட்டிவாக இருந்து வருகின்றனர்.

இந்நிலையில், இங்கிலாந்து கிரிக்கெட் வீரர் கெவின் பீட்டர்சன் தமிழ் பாடல் ஒன்றுக்கு நடனமாடி டிக்டாக் செய்துள்ளார். இந்த வீடியோ தற்போது இணையத்தில் வைரலாக மாறியுள்ளது. அந்த வீடியோவில் இயக்குனர் ஷங்கர் இயக்கிய முதல் படமான ஜென்டில்மேன் படத்தில் அர்ஜுன், மதுபாலா ஆடிய இருந்து ‘ஒட்டகத்த கட்டிக்கோ’ என்ற பாடலுக்கு கெவின் பீட்டர்சன் நடனமாடியுள்ளார். இந்த பாடலை இசைப்புயல் ஏ.ஆர்.ரஹ்மான் இசையமைத்திருந்தார் என்பது குறிப்பிடப்படுகிறது.

இதற்குமுன் ஆஸ்திரேலியா அணியின் அதிரடி பேட்ஸ்மன் டேவிட் வார்னர், கொரோனா ஊரடங்கை குடும்பத்துடன் டிக்டாக் செய்து சந்தோசமாக இருந்து வருகிறார். இவர், தெலுங்கு பாடலான ‘புட்டபொம்மா’ பாடலுக்கு டிக்டாக் செய்து வீடியோ வெளியிட்டுள்ளார். அந்த வீடியோ சமூக வலைத்தளங்களில் தீயாக பரவியது. இதையடுத்து, இளையராஜாவின் ‘இஞ்சி இடுப்பழகி” பாடலின் இசைக்கு குடும்பத்துடன் டிக்டாக் செய்துள்ளார். தற்போது இந்த வீடியோ சமூக வலைதளத்தில் வைரலாகியது, இந்த நிலையில், தற்போது கெவின் பீட்டர்சன் ‘ஒட்டகத்த கட்டிக்கோ’ என்ற பாடலுக்கு நடனமாடியுள்ளார் என்பது குறிப்பிடத்தக்கது.