வீரர்கள் விளையாடவில்லை என்றால் மனைவியை விமர்சனம் செய்வது முட்டாள்தனம்- சானியா மிர்சா ..!

டெல்லியில்  நடந்த இந்திய பொருளாதார மாநாட்டில் டென்னிஸ் வீராங்கனை சானியா மிர்சா கலந்து கொண்டார்.அப்போது செய்தியாளர்களிடம் பேசிய சானியா மிர்சா,  நமது கிரிக்கெட் அணி உட்பட பல விளையாட்டு அணிகள் வெளிநாட்டுக்கு சென்று விளையாடும்போது வீரர்களுடன் அவர்கள் மனைவியை அல்லது காதலியை செல்ல அனுமதிப்பதில்லை அப்படி சென்றால் வீரர்கள் கவனம் சிதறிவிடுமாம்.
வீரர்களின் ஊக்கமே பெண்கள் என கருதாமல் அவர்களை ஏன் பிரச்சினையாக பார்க்கிறீர்கள்.  மனைவி அல்லது காதலி  அருகில் இருக்கும்போது விளையாடி விட்டு வீரர்கள் திரும்பும் போது எவ்வளவு மகிழ்ச்சியாக இருப்பார்கள் என்பதை பாருங்கள்.
அதே நேரம் சரியாக விளையாடவே என்றால் ஒரு மனைவியோ  அல்லது காதலியை விமர்சிப்பது தவறு. விராட் கோலி சரியாக விளையாடவில்லை என்றால் அனுஷ்காவை  விமர்சிப்பது முட்டாள்தனம் என்றார்.
இந்திய அணி தற்போது தென் ஆப்பிரிக்க அணியுடன் டெஸ்ட் தொடரில் விளையாடி வருகிறது. முதல் இன்னிங்சில் விராட் கோலி 20 ரன்கள் மட்டுமே எடுத்தார் என்பது குறிப்பிடத்தக்கது.