INDvSA : இந்தியாவுக்கு எதிரான டி20…வீரர்களை அறிவித்த தென்னாப்பிரிக்கா அணி!

இந்தியாவுக்கு எதிரான டி20 தொடரில் பங்கேற்க உள்ள தென்னாப்பிரிக்க அணி வீரர்கள் குறித்த விவரம் அறிவிக்கப்பட்டுள்ளது.

by பால முருகன்Posted on November 1, 2024

டர்பன் : இந்தியா மற்றும் தென்னாப்பிரிக்கா ஆகிய அணிகள் மோதிக்கொள்ளும் 4 போட்டிகள் கொண்ட டி20 தொடரின் முதல் போட்டி வரும் நவம்பர் 8-ஆம் தேதி கிங்ஸ்மீட்டில் உள்ள டர்பன் மைதானத்தில் வைத்து நடைபெறவுள்ளது. இந்த சூழலில், இந்த டி20 தொடரில் விளையாடவுள்ள வீரர்கள் பற்றிய விவரத்தை தென்னாப்பிரிக்கா அணி நிர்வாகம் மற்றும் ஐசிசி அறிவித்துள்ளது.

தென்னாப்பிரிக்கா அணி

ஐடன் மார்க்ரம் (c), ஒட்னீல் பார்ட்மேன், ஜெரால்ட் கோட்ஸி, டொனோவன் ஃபெரீரா, ரீசா ஹென்ட்ரிக்ஸ்,
மார்கோ ஜான்சன், ஹென்ரிச் கிளாசென், பேட்ரிக் க்ரூகர், கேசவ் மகராஜ், டேவிட் மில்லர், மிஹ்லாலி மபோங்வானா, நகாபா பீட்டர், ரியான் ரிக்கல்டன், சிமெலேன், லூத்தோ சிபம்லா (3வது மற்றும் 4வது டி20), மற்றும் டிரிஸ்டன் ஸ்டப்ஸ் விளையாடுவார் என அறிவிக்கப்பட்டுள்ளது.

இந்திய அணி

இதற்கு முன்னதாக பிசிசிஐ இம்மாதம் நடைபெற இருக்கும் பார்டர் கவாஸ்கர் கோப்பை தொடருக்கான அணியை அறிவித்திருந்தது. அந்த அணியுடன் தென் ஆப்பிரிக்கா டி20 தொடருக்கான சூரியகுமார் தலைமையிலான இந்திய அணியும் அறிவித்திருந்தது. அதன்படி,

சூர்யகுமார் யாதவ் (சி), அபிஷேக் ஷர்மா, சஞ்சு சாம்சன் (WK), ரிங்கு சிங், திலக் வர்மா, ஜிதேஷ் ஷர்மா (WK)
ஹர்திக் பாண்டியா, அக்சர் படேல், ராமன்தீப் சிங், வருண் சக்கரவர்த்தி, ரவி பிஷ்னாய், அர்ஷ்தீப் சிங், விஜயகுமார் வைஷாக், அவேஷ் கான், யாஷ் தயாள்

கடைசியாக நியூசிலாந்து அணிக்கு எதிரான டெஸ்ட் தொடரில் தோல்வியை கண்ட இந்திய அணி அடுத்ததாக தென்னாப்பிரிக்கா அணிக்கு எதிரான 4 போட்டிகள் கொண்ட டி20 தொடரில் வெற்றிபெறவேண்டும் என்ற முனைப்புடன் களமிறங்கவுள்ளது.