இந்திய ஆடவர் ஹாக்கி அணியின் தலைமை பயிற்சியாளராக கிரேக் ஃபுல்டனை, ஹாக்கி இந்தியா நியமித்துள்ளது.
புதிய தலைமை பயிற்சியாளர்:
இந்திய ஆடவர் ஹாக்கி அணியின் புதிய தலைமை பயிற்சியாளராக தென்னாப்பிரிக்காவைச் சேர்ந்த கிரேக் ஃபுல்டனை ஹாக்கி இந்தியா நியமித்துள்ளது. 2023 ஆம் ஆண்டிற்கான ஹாக்கி உலகக் கோப்பையில் இந்திய அணி 9-வது இடத்தை பிடித்ததையடுத்து இந்திய அணியின் பயிற்சியாளர் பதவியிலிருந்து கிரஹாம் ரீட் விலகினார். இவரது ராஜினாமாவை ஹாக்கி இந்தியா ஏற்றுக்கொண்ட நிலையில், ஏறக்குறைய 25 வருட பயிற்சி அனுபவமுள்ள தென்னாப்பிரிக்காவைச் சேர்ந்த கிரேக் ஃபுல்டன், இந்திய ஆடவர் ஹாக்கி அணியின் தலைமை பயிற்சியாளராக நியமிக்கப்பட்டுள்ளார்.
கிரேக் ஃபுல்டன்:
தென்னாப்பிரிக்காவின் சர்வதேச விளையாட்டு வீரரான கிரேக் ஃபுல்டன், 1996 முதல் 2005 வரை 10 ஆண்டுகளில் 195 போட்டிகளில் விளையாடியுள்ளார். 1996 அட்லாண்டா மற்றும் 2004 ஏதென்ஸ் ஒலிம்பிக் போட்டிகளில் விளையாடியதோடு உலகக் கோப்பை மற்றும் காமன்வெல்த் விளையாட்டுகளிலும் விளையாடியுள்ளார். 2018 ஆம் ஆண்டு பெல்ஜியம் அணியின் தலைமை பயிற்சியாளர் ஷேன் மெக்லியோடிற்கு உதவியாளராக சேர்ந்தார். அவர் உதவியராக சேர்ந்த ஆண்டின் இறுதியில் புவனேஸ்வரில் நடைபெற்ற ஹாக்கி உலகக் கோப்பை போட்டியில் பெல்ஜியம் அணி வெற்றி பெற்றது.
பணியாற்ற ஆவலுடன் உள்ளேன்:
இதையடுத்து “இந்திய ஆடவர் ஹாக்கி அணிக்கான தலைமைப் பயிற்சியாளராக கிரேக் ஃபுல்டனை ஹாக்கி இந்தியா இறுதி செய்துள்ளது என்பதைத் தெரிவித்துக் கொள்வதில் நான் மிகவும் மகிழ்ச்சியடைகிறேன். அவருக்கு எதிராக விளையாடிய பெருமை எனக்குக் கிடைத்துள்ளது, இப்போது அவருடன் நெருக்கமாக பணியாற்ற ஆவலுடன் உள்ளேன்” என்று ஹாக்கி இந்தியா தலைவர் திலிப் டிர்கி கூறியுள்ளார்.
நியூ யார்க் : மெட்டா நிறுவனத்தின் தலைமை அதிகாரி மார்க் ஸுக்கர்பர்க் அண்மையில், தி ஜோ ரோகன் எக்ஸ்பீரியன்ஸ் போட்காஸ்ட்…
புனே : இந்தியாவுக்கு சுதந்திரம் கிடைத்த பிறகு இந்திய ராணுவத்தை அதிகாரபூர்வமாக அங்கீகரித்து முதன் முறையாக இந்தியாவுக்கு என அதிகாரபூர்வ…
"கரும்பு தின்ன கூலியா' என்ற பழமொழிக்கு ஏற்ப கரும்பு சாப்பிடுவதால் பற்கள் முதல் ஜீரண மண்டலம் வரை பல நன்மைகளை…
சென்னை : வெற்றிமாறன் இயக்கத்தில் சூர்யா நடிப்பில் வாடிவாசல் எனும் திரைப்படம் தயாராக உள்ளது என அறிவித்து ஆண்டுகள் கடந்து…
சென்னை : z024ஆம் ஆண்டு பல்வேறு துறைகளில் சிறப்பாக பணியாற்றிய 10 நபர்களுக்கு விருதுகளையும், பரிசுத்தொகையையும் முதலமைச்சார் மு.க.ஸ்டாலின் இன்று…
அலகாபாத் : உத்திர பிரதேச மாநிலம் பிரயாக்ராஜ் பகுதியில் திரிவேணி சங்கமத்தில் 12 ஆண்டுகளுக்கு ஒருமுறை நடக்கும் பிரமாண்ட மஹா…