முதல் ஓவரில் ‘ஹாட்ரிக்’ விக்கெட்.! உலக சாதனை படைத்த இந்திய வீரர்.!

• இந்தியாவில் ரஞ்சி கோப்பை கிரிக்கெட் தொடர் நடந்து வருகிறது. இதன் ‘பி’ பிரிவு லீக் போட்டியில் மத்திய பிரதேசம் மற்றும் உ.பி அணிகள் இந்துாரில் மோதின.
• முதல் இன்னிங்சில் ம.பி அணி 230 ரன்கள் எடுத்தது, உ.பியை சேர்ந்த ரவி யாதவ் 28, ம.பி அணியில் அறிமுகம் ஆனார். தனது முதல் ஓவரில் ஹாட்ரிக் விக்கெட்டை வீழ்த்தி சாதனை படைத்தார்.

இந்தியாவில் ரஞ்சி கோப்பை கிரிக்கெட் தொடர் நடந்து வருகிறது. இதன் ‘பி’ பிரிவு லீக் போட்டியில் மத்திய பிரதேசம் மற்றும் உ.பி அணிகள் இந்துாரில் மோதின. முதல் இன்னிங்சில் ம.பி அணி 230 ரன்கள் எடுத்தது, உ.பியை சேர்ந்த ரவி யாதவ், ம.பி அணியில் அறிமுகம் செய்யப்பட்டார். இவர், தனது முதல் ஓவரில் 3,4,5-வது பந்தில் ஆர்யன், அன்கித், சமீரை அவுட்டாக்கி, ஹாட்ரிக் விக்கெட் வீழ்த்தி சாதனை படைத்தார். உ.பி அணி முதல் இன்னிங்சில் 216 ரன்னுக்கு ஆல் அவுட்டானது. இரண்டாவது நாள் முடிவில் ம.பி. அணி இரண்டாவது இன்னிங்சில் 105/3 ரன்கள் எடுத்து 119 ரன்கள் முன்னிலை பெற்றிருந்தது.

ICYMI: A hat-trick to remember! ????????????

First First-Class Match ✅
First Over ✅
First Hat-trick ✅

Watch Madhya Pradesh’s Ravi Yadav’s special hat-trick against Uttar Pradesh

Follow the #MPvUP game live ???????? https://t.co/VOeMfWfYhd#RanjiTrophy @paytm pic.twitter.com/i6dTGJtMhk

— BCCI Domestic (@BCCIdomestic) January 28, 2020

இதையடுத்து முதல் தர அறிமுக போட்டியில் முதல் ஓவரில் ஹாட்ரிக் விக்கெட் வீழ்த்திய முதல் பவுலர் என உலக சாதனை படைத்தார் ரவி யாதவ். இதற்கு முன் இந்தியாவின் ஸ்ரீநாத், சலில் அங்கோலா, அபிமன்யு மிதுன் உள்ளிட்ட 7 இந்திய வீரர்கள் அறிமுக போட்டியில் ஹாட்ரிக் விக்கெட் வீழ்த்தினர். சர்வதேச அளவில் தென் ஆப்ரிக்காவின் ரிக்கி பிளிப், 1939-40ல் முதல் 3 போட்டியில் பவுலிங் செய்யவில்லை. 4-வது போட்டியில் முதன் முறையாக பந்து வீசிய ஓவரில் இதுபோல சாதித்தார். மற்றபடி, அறிமுக போட்டியில், முதல் ஓவரில் அசத்தியது ரவி யாதவ் மட்டும் தான் என குறிப்பிடப்படுகிறது.